Rajoni

Putin i vjen në ndihmë, italianët ngrejnë DYSHIMET për gadishmërinë e Rusisë: Kali i Trojes para nesh, nënshtrim politik

Me ekipin e mjekëve të destinuar për në Bergamo edhe ushtarë rusë me përvojë në luftën bakteriologjike, polemikat e ngritura pas ardhjes së ndihmave nga Rusia.
Featured image of article: Putin i vjen në ndihmë, italianët ngrejnë DYSHIMET për gadishmërinë e Rusisë: Kali i Trojes para nesh, nënshtrim politik Presidenti i Rusisë, Vladimir Putin.

ITALI– Presidenti rus, Vladimir Putin i ka ardhur në ndihmë Italisë, pasi ka dërguar një ekip prej 120 mjekësh në spitalin më të rënduar nga pacientët me koronavirus, në Bergamo. 600 ventilatorë për mushkëritë dhe materiale të tjera të ndihmës së shpejtë gjithashtu kanë mbërritur bashkë me mjekët.

Por, në operacionin humanitar të ndërmarrë nga Putin, dikush sheh skenarë shqetësues për vendin tonë, shkruan “Tgcom24”.Operacioni i quajtur “Nga Rusia me dashuri” sjell edhe polemika pasi nuk ishte vetëm ndonjë “virolog” që zbarkoi në Itali. Midis rusëve ka në fakt disa mjekë ushtarakë me përvojë në luftën bakteriologjike, të cilët do të ishin të lirë të lëviznin lirshëm në territorin italian. Solidariteti i treguar nga Putin po ngre dyshime dhe ngatërresa.

Në kutitë e zbarkuara në Pratica di Mare shkrimi me shkronja të mëdha “Nga Rusia me dashuri” qëndron në tre gjuhë: anglisht, italisht, rusisht. Brenda ka maska ​​dhe pajisje të frymëmarrjes. Në bordin e avionëve që vijnë nga Moska ndodhet edhe personeli mjekësor që do të shkojë për të siguruar ndihmë në Lombardi.

Për më shumë bëhu pjesë e grupit më viral në Facebook, Dosja.al

Në një pamje luftarake me presidentin e saj, Simona Viola, nje personazh i njohur italian ka ngritur polemikat se kjo ‘ndihmë’ mund të sjellë një nënshtrim politik të Italisë ndaj Rusisë: “Nëse rindërtimet gazetareske janë të sakta dhe të vërteta, do të thoshte që Conte pranoi ndihmën, të ofruar nga Putin, jo të mjekëve civilë, por të një kontigjenti ushtarak të përbërë nga ekspertë në luftën bakteriologjike. Me pak fjalë, ne nuk do të përballemi me një formë bashkëpunimi në fushën e shëndetit, por me një akt të nënshtrimit politik të Italisë ndaj Rusisë “.

Edhe radikalët italianë janë kritikë: “Më shumë sesa para një “kali të dhuruar” mund të kishim një “kalë Trojan para nesh”. Italianët kanë të drejtë të marrin sa më shpejt përgjigje adekuate, në mungesë të të cilave do të jetë e arsyeshme të supozojmë se prapa një bujarie të tillë të dukshme mund të ketë projekte të tjera “.

Në total, 15 fluturime speciale të aviacionit të transportit ushtarak të Rusisë arritën me specialistë dhe pajisje mjekësore në bord. U dërguan 122 specialistë, përfshirë 66 anëtarë të Forcave të Mbrojtjes nga Rrezatimet  Kimike dhe Biologjike (NBC).

R.L/Dosja.al

Shto Koment