Showbiz

Puthje në qafë, një nuse me atlete dhe dedikime të çmendura, dasma e Jonida Vokshit i kaloi të gjitha pritshmëritë (VD+FOTO)

Dasma e Jonida Vokshit me Besnik Krapin ishte një natë për t’u mbajtur mend!
Featured image of article: Puthje në qafë, një nuse me atlete dhe dedikime të çmendura, dasma e Jonida Vokshit i kaloi të gjitha pritshmëritë (VD+FOTO) Aktorja, Jonida Vokshi dhe regjisori, Besnik Krapi.

TIRANË– Gjithçka e veçantë dhe me stil, Jonida Vokshi dhe Besnik Krapi lanë gjurmë me dasmën e tyre. E realizuar buzë detit, që në celebrim në sy binin karriget, që nuk ishin të tilla, por disa kuti prej bari, të mbështjella me një centro të bardhë.

Çifti kishin zgjedhur detaje minimaliste për dasmën e tyre, duke e bërë të veçantë. Të celebruar nga Elvana Gjata, Jonida Vokshi u shfaq thjeshtë, me një fustan saten ngjitur për trupi, dhe flokë të leshuara. Një nuse natyrale, Jonida i kishte qëndruar besnike stilit të saj minimalist.

Përkrah Besnikut, ajo u shfaq në banketin e dasmës së saj, veshur me një fustan pak më pompoz, por që përsëri dukej mjaft natyrale. Me flokët bisht dhe një make-up natyral, Jonida Vokshi si një aktore e vërtetë, dhuroi një pamje të një nuseje ‘tip’.

Me një kërcim emocionues në mes të pistës, nuk munguan as puthjet në qafë nga ana e çiftit. Mes romancës, Besniku dhe Jonida e shijuan shumë ditën më të rëndësishme të jetës së tyre.

Përveç fustaneve të thjeshta, Jonida Vokshi kishte zgjedhur të vishej me atlete, duke mos i preferuar takat. Një nuse komode, që si një tabelë për të gjithë të ftuarit kishte vënë “hiqini takat dhe ejani të kërceni”, ndërkohë që kishte shapka me gisht për të gjithë.

“Nesër hani petullat vetë…se na jena nxonë!”– shkruhej në shënimet prej druri të skalitura në çdo cep të ambjetit festiv.

Për më shumë bëhu pjesë e grupit më viral në Facebook, Dosja.al

“Më fal Hanë…po sonte n’tokë …dikush tjetër bën dritë më shumë se ti,”- ishte një shënim i vendosur në pamjen kryesore të çiftit.

E ndërsa në tavolina, secili i ftuar kishte një shënim: “Sonte…u shtofshi krejt ishalla!!!”

Në pistën e kërcimit kishin zgjedhur të guxonin, me një pjesë të xhamtë vendosur mbi një pishinë, ku reflektimi i ujit I jepte magji skenës. Atmosfera nuk mungonte dhe miqtë e Jonida Vokshit ishin të pranishëm për t’i dhënë më shumë energji natës së zjarrtë.

Dasma e çiftit të artistëve ishte e realizuar në detaje që tërhoqën vemendjen, dhe Jonida me Besnikun ishin aq të lirshëm dhe e shijuan pafund atmosferën.

(R.L/Dosja.al)

 

Shto Koment