Politike

Pushime sekrete në Greqi, Rama përgënjeshtron mediat: Kazan grek, kalinihta nga Surreli! (Thumbi për ministrat)

Rama thotë se edhe media greke është “kazan”, dhe se nuk ka pushuar jashtë vendit që prej 2013-ës.
Featured image of article: Pushime sekrete në Greqi, Rama përgënjeshtron mediat: Kazan grek, kalinihta nga Surreli! (Thumbi për ministrat) Edi Rama dhe hoteli
Përditësuar:

TIRANE– Kryeministri Edi Rama ka komentuar lajmin e botuar në mediat  greke se ai ndodhet në Greqi, dhe ka konsumuar një drekë në një restorant në Trikala.

Në dy reagime të njëpasnjëshme në Twitter, Rama thotë se edhe media greke është “kazan”, dhe se nuk ka pushuar jashtë vendit që prej 2013-ës. Më tej, Rama thotë se lëvizja për pushime është e kufizuar edhe për ministrat e qeverisë.

REAGIMI I PLOTË I RAMËS

Mirë një kazan grek,po ju në Shqipëri o ju marrsha të ligat s’e verifikonit dot njoftimin e atij kazani,isha këtu apo kisha ikur fshehurazi me pushime në Greqi?Jo në Greqi,po askund përveçse në Shqipëri,s’kam bërë e s’bëj pushime si KM,qysh nga vera e 2013 deri në verën 2020 e X! 

Për më shumë bëhu pjesë e grupit më viral në Facebook, Dosja.al

Madje që ta merrni vesh me këtë rast,meqë s’e dini akoma(sepse gjërat kuptimplota në përgjithësi, e ato të qeverisjes në veçanti s’para ju interesojnë): Lëvizja për pushime është e kufizuar brenda kufijve të Shqipërisë edhe për ministrat! Kështu që kalinihta nga Surreli pedhaqia😁

Media greke “Trikalavoice.gr”, botoi një artikull ku thuhej se kryeministri shqiptar, ndodhej në Trikala. Media shtonte se Rama ishte i vetëm dhe se kishte konsumuar drekë dhe kafe në sheshin e qytetit.

(F.G. Dosja.al)

Shto Koment