Diaspora

Publikoi foto me mbishkrimin “Kosova është Serbia”/ Ministrja Stublla i përgjigjet MPJ-së ruse: Kanë tendencë të pengojnë dialogun dhe të rrisin ndikimin në rajon

Në një intervistë për Klan Kosovën, Stublla ka thënë se kjo nuk është hera e parë që rusët tentojnë të pengojnë arritjen e një marrëveshje. Sipas saj, ata po mundohen ta ulin ndikimin perëndimor dhe ta shtrijnë atë rus në rajon.
Featured image of article: Publikoi foto me mbishkrimin “Kosova është Serbia”/ Ministrja Stublla i përgjigjet MPJ-së ruse: Kanë tendencë të pengojnë dialogun dhe të rrisin ndikimin në rajon Meliza Haradinaj-Stublla,

KOSOVË-Ministria e Punëve të Jashtme të Kosovës Meliza Haradinaj-Stublla, ka reaguar ndaj deklaratës së zëdhënëses së Ministrisë së Punëve të Jashtme ruse, Maria Zakharova, e cila publikoi një fotografi me mbishkrimin ‘Kosova është Serbi’.

Në një intervistë për Klan Kosovën, Stublla ka thënë se kjo nuk është hera e parë që rusët tentojnë të pengojnë arritjen e një marrëveshje. Sipas saj, ata po mundohen ta ulin ndikimin perëndimor dhe ta shtrijnë atë rus në rajon.

“Prej fillimit të dialogut Kosovë-Serbi, përmes veprimeve të saj Rusia gjithmonë është përpjekur të pengojë arritjen e një marrëveshje. Ndërtimi i një baze “humanitare” në Nish në afërsi me Kosovën, nisja e trenit të sponsoruar nga Rusia për t’u futur dhunshëm në Kosovë, organizimi i incidenteve në veri të vendit nga pjesëtarë rusë të UN në Kosovë, si dhe shumë veprime të tjera publike dhe jopublike në forume të ndryshme ndërkombëtare, tregojnë qartë për tendencën përçarëse ruse për të penguar procesin e pajtimit dhe ta prishur paqen në rajon,”-ka thënë ajo ndër të tjera. 

Një ditë më parë zëdhënësja e Ministrisë së Punëve të Jashtme ruse, Maria Zakharova publikoi një fotografi me mbishkrimin ‘Kosova është Serbi’. Po ashtu ajo ka shkruajtur se çdo do përpjekje për të përshpejtuar normalizim përfundimtar midis Beogradit dhe Prishtinës dhe vendosja e një afati kohor arbitrar për arritjen e kësaj është shkatërruese.

Për më shumë bëhu pjesë e grupit më viral në Facebook, Dosja.al

“Ne e konsiderojmë çdo përpjekje për të përshpejtuar të ashtuquajturën normalizim përfundimtar midis Beogradit dhe Prishtinës dhe vendosjen e një afati kohor arbitrar për arritjen e kësaj si shkatërruese. Është më e rëndësishme të koordinohet një plan i zbatueshëm që gjithashtu do të pranohet nga publiku”, shkroi Zakharova në rrjetin social Twitter.

Zakharova po ashtu komentoi edhe situatën në Kosovë pas zgjedhjeve të 14 shkurtit. Sipas saj, rusët janë të  shqetësuar mbi retorikën radikale të përdorur nga shqiptarët e Kosovës pasi Lëvizja Vetëvendosje fitoi zgjedhjet e parakohshme parlamentare.

(k.a/dosja.al)

Shto Koment