Politike

“Pse e përmende 2 herë Tahirin, a po çoni ju mesazh të koduar tek gjykata”, pyetja që nervoizoi Ramën: Përgjimet, kërcënim i madh

Gazetarja pyeti Ramën nëse është duke dërguar një mesazh të koduar tek gjykata, dhe kryeministri tha se PS ka bërë me Tahirin, atë që nuk e ka bërë asnjë parti politike në Shqipëri. 

TIRANE- Kryeministri Edi Rama nuk e priti mirë pyetjen e gazetares Esiona Konomi, e cila e pyeti shefin e qeverisë, se pse e përmendi dy herë procesin e hetimit ndaj ish-ministrit të Brendshëm, Saimir Tahiri.

Gazetarja pyeti Ramën nëse është duke dërguar një mesazh të koduar tek gjykata, dhe kryeministri tha se PS ka bërë me Tahirin, atë që nuk e ka bërë asnjë parti politike në Shqipëri. 

Replika me gazetaren:

Esiona Konomi: Ju thatë se përgjimet nuk janë prova, duke e përmendur 2 herë nga e diela ish-ministrin e Brendshëm, Saimir Tahiri. A jeni duke çuar ju një mesazh të koduar tek gjykata e Krimeve të Rënda, e cila nis gjykimin për këtë person pas disa javësh?

Për më shumë bëhu pjesë e grupit më viral në Facebook, Dosja.al

Edi Rama: S’merrem fare me procesin. Për procesin, kemi bërë atë që se ka bërë kurrë një parti politike në Shqipëri kur një përfaqësues i saj është nën akuzë. Gjithë shkarkimi i tij, dhe tërheqja e plotë e partisë për të bërë avokatinë e tij në publik. Këtu kemi qenë, kur drejtori i Tatimeve ishte me arrest shtëpie, dhe thoshte paraardhësi im, do pres vendimin e formës së prerë nga gjykata. Përsa unë fola, përsa i përket pjesës së përgjimeve. Janë kërcënim i madh për të vërtetën dhe demokracinë, kur trajtohen si ushqim për spektakël mediatik dhe politik. Bota ka marrë masat për këtë gjë.

Kryeministri Edi Rama ka zhvilluar një takim sot me gazetarët një ditë pasi opozita zhvilloi një marshim proteste në 5 institucione në Tiranë. Rama përsëriti ftesën e tij për dialog me opozitën, por theksoi se nuk ka negociata për datën e zgjedhjeve lokale. 

(F.g/dosja.al)

Shto Koment