Politike

Pushimi i çështjes nga Gjykata, PS: Të rihetohet Basha për lobimin, PD: S’jeni palë në gjyq, o budallenj

  • Braçe: Ja ku janë provat e ja bëjnë mu, imuniteti ndaj drejtësisë s’i bën të padukshme
  • Balla s’ndalet, publikon dokumentin e SHBA: Mjaftueshëm për të hapur hetim të ri
  • Strazimiri: Nuk paska qenë prokuroria por partia!
  • Sipas Ballës e Braçes, dokumenti është provë për lobimin rus të Bashës dhe për këtë duhet të merret i pandehur, pasi nuk ka deklaruar shumën që kap vlerën e 653 mijë Dollarëve amerikan.
    Featured image of article: Pushimi i çështjes nga Gjykata, PS: Të rihetohet Basha për lobimin, PD: S’jeni palë në gjyq, o budallenj Lulzim Basha, Kreu i PD

    TIRANË- Lulzim Basha, një ditë pas vendimin të gjykatës për pushimin e hetimit kundër tij, nuk është sërish i qetë. Zëvendës Kryeministri, Erion Braçe dhe kreu i Grupit Parlamentar të PS, Taulant Balla, kanë reaguar sërish sot duke kërkuar rihetim për Bashën. Të dy duke publikuar një dokument, ku shihet firma e kreut të opozitës dhe lobisit Nik Muzin, kërkojnë që Prokuroria të nis hetime të tjera, pasi për ta ekzistojnë prova.

    Sipas Ballës e Braçes, dokumenti është provë për lobimin rus të Bashës dhe për këtë duhet të merret i pandehur, pasi nuk ka deklaruar shumën që kap vlerën e 653 mijë Dollarëve amerikan. Dy zyrtarëve të PS, u është përgjigjur ish-deputeti Gent Strazimiri, i cili në një reagim në Facebook, i quan budalllenj. Sipas tij PS nuk është palë në gjyq dhe nuk ka asnjë të drejtë që të apeloj vendimin. Ai vijon më tej duke thënë se Partia Socialiste paska qenë Prokuroria prandaj kanë ardhur këto deklarata nga Balla e Braçe.

    Dhe gjatë ditës së djeshme, Balla e Braçe kanë reaguar pas vendimit të Gjykatës dhe kanë kërkuar rihetim të çëshjtes dhe vendimi për ta është i gabuar.  

    Gjykata e Tiranës ditën e djeshme ka pushuar çështjen për Lulzim Bashën dhe dy zyrtarët e tjerë të PD që akuzoheshin për “falsifikim të dokumenteve”. Gjyqtari Lazer Sallaku, ka vendosur të pushojë çështjen, duke rrëzuar kërkesën e Prokurorisë. Partia Demokratike e ka njohur këtë vendim duke thënë se u vendos drejtësi. Ristani pas lehtësimit nga akuza tha se e gjithë çështja ishte e montuar politikisht. Avokati i Bashës, Eduart Halimi, u shpreh se u rrëzuan gjuetitë e shtrigave. Basha nuk ishte i pranishëm në seancë, duke u përfaqësuar nga avokatët e tij.

    (A.B. Dosja.al)

    • 10:53

      Strazimiri: Nuk paska qenë prokuroria por partia!

      Ish-deputeti i Partisë Demokratike, Gent Strazimiri ka reaguar ndaj Taulant Ballës, pasi ky i fundit paralajmëroi se do të apelojë vendimin e gjykatës për Lulzim Bashën.  Në një postim në Facebook, Strazimiri e quan Ballës immbecil rural dhe thekon se në këtë hetimet po i bën i PS-ja dhe jo Prokuroria.

      REAGIMI I PLOTË

      Immbecili rural Taulant Balla paska paralajmëruar se do të apelojë një vendim gjykate të marrë ndaj kreut të opozitës, në një gjyq ku palë nuk është PS, por prokuroria! Nëse ju duket se ky imbecili rural kërkon të demonstrojë pushtet kudo, veçanërisht, në çdo gjë që s’i takon: KENI TË DREJTË! Nëse ju duket se ky imbecili rural kërkon të tregojë me arrogancë prej rurali, që ju sundon pavarësisht ligjit, gjithashtu: KENI TË DREJTË! Nëse pas kësaj, arrini në kokluzionin se, si çdo imbecil rural, edhe ky nuk shijon dot asgjë që ka, veçanërisht nga ato që nuk i takojnë, nëse me arrogancë dhe publikisht nuk ua përplas në fytyrë të sunduarve prej tij, përsëri: KENI TË DREJTË! Problemi fillon tek fakti që edhe ky imbecili rural KA TË DREJTË, sepse NË FAKT KY JU SUNDON! Ky është sot prokurori!  Ky është sot gjyqtari!  Ky është sot edhe “E DREJTA”, pavarësisht sa të drejtë keni.

    • 10:31

      Braçe: Ja ku janë provat e ja bëjnë muuuu, imuniteti ndaj drejtësisë nuk i bën të padukshme

      Zëvendës Kryeministri, Erion Braçe, ka reaguar sërish sot një ditë pas vendimit të Gjykatës së Tiranës, për pushimin e çështjes për Lulzim Bashën. Në një reagim në mediat sociale, Braçe shkruan se vendimi i gjykatës është i gabuar pasi prova për lobimin e Partisë Demokratike ka, dhe për të mbështetur argumentin e tij ka publikuar dhe një kontratë që është nënshkruar nga Basha dhe Nik Muzin. “JA KU JANE E JA BEJNE MUUUU! Nuk jane letra bakalli, jane dokumenta zyrtare te depozituara ne agjencine me serioze ne bote; Jane me firme te Nik Muzin e Lulezim Bashes. Prokuroret e gjykatesit ne Tirane nuk kane lejuar te hetohet e gjykohet rreth tyre!”, shton numri dy i qeverisë.

      Erion Braçe, dokumenti dhe Lulzim Basha

      REAGIMI I PLOTË

      NUK KA PROVA! NUK KA PROVA! LULZIM BASHA KERKON TE FSHEH IMUNITETIN UNIK PER TE MOS U GJYKUAR KURRE, KESHTU! Prova? JA KU JANE E JA BEJNE MUUUU! Nuk jane letra bakalli, jane dokumenta zyrtare te depozituara ne agjencine me serioze ne bote; Jane me firme te Nik Muzin e Lulezim Bashes. Prokuroret e gjykatesit ne Tirane nuk kane lejuar te hetohet e gjykohet rreth tyre! Zero! Kur nuk hetohet nuk ka prova, afermendsh! Por ne zyra amerikane ato jane, jane publike-ne dallim nga ketu, i shohin e i marrin te gjithe.

      Prova thote se Nik Muzin njeriu nen kontrate me PD ka deklaruar zyrtarisht, me shkrim se ka marre per llogari te PD 670 mije dollare! Tani, ose genjen ai nen betim dhe pergjigjet ne Amerike per kete, ose genjejne ketu Lulzim Basha e zarat e tij dhe kane imunitet e as hetohen e as gjykohen. Provat ja bejne muuuuu, imuniteti ndaj drejtesise nuk i ben te padukshme! KRIM I RENDE ELEKTORAL ESHTE KY APO JO?!

    • 9:17

      Balla s’ndalet, publikon dokumentin e SHBA: Mjaftueshëm për të hapur hetim të ri

      Kryetari i Grupit Parlamentar të Partisë Socialiste, Taulant Balla nuk ka mundur që ta pranojë vendimin e Gjykatës së Tiranës për kryedemokratin Lulzim Basha dhe dy zyrtarët e tjerë të PD-së. Pas reagimit të djeshëm, mëngjesin e sotëm Balla ka postuar sërish disa dokumenta të publikuar në faqen zyrtare të Departamentit Amerikan të Drejtësisë, në të cilat vetëm një është e firmosur nga Basha dhe ajo është fatura e Muzin. Socialisti Balla pretendon se këto janë fakte të reja të mbledhura dhe me to do të bëjë një kallëzim të ri penal, pas pushimit të akuzave të para nga Gjykata. 

      Dokumenti i publikuar në faqen zyrtare të Departamentit Amerikan të Drejtësisë

      Për ta kuptuar dosjen “Basha”, shikojini me kujdes këto dokumenta të publikuara në faqen zyrtare të Departamentit Amerikan të Drejtësisë (Akti i Rregjistrimit të Agjentëve të Huaj),”-shkruan Balla në postimin e tij. 

    Shto Koment