Politike

Protestat/ Rama nga Austria: Jam gati të bisedoj me protestuesit, kërpudhën e thyen, ngjarje e trishtë

  • Rama për negociatat: Duhet të piqemi, demokracia s’është e thjeshtë
  • Kryeministri Edi Rama ka treguar edhe "pikëllimin" e tij pasi protestuesit e opozitës thyen kërpudhën, që gjendej anash godinës. 

    AUSTRI– Kryeministri Edi Rama, i cili ndodhet në Salzburg, ku ka marrë pjesë në Forumin Convoco, në një komunikim me moderatorin Hans Ulrich Obrist ka folur lidhur me protestat në Shqipëri.

    Rama u shpreh se kati i parë i Kryeministrisë është i rezervuar vetëm për qytetarët dhe se ai dhe ministrat e tij janë gjithmonë të gatshëm që të diskutojnë me ta.

    Kreu i qeverisë ka treguar edhe “pikëllimin” e tij pasi protestuesit e opozitës thyen kërpudhën, që gjendej anash godinës.

    ‘Para se të bëhesha kryeministër, gjithmonë thoja, nëse bëhem ndonjëherë kryeministër, kjo ndërtesa nuk do ketë gardhe, sepse ishte e rrethuar, dukej si burg, me gardh me ushtarë. Hoqa gardhin dhe e hapa tërë katin e parë për popullin. Kam thënë që edhe protestuesit mund të vijnë ta përdorin atë pjesë falas, për të shtruar cështjen e tyre, e nëse duan, unë mund të shkoj, apo ministrat, për të folur me ta. Kërpudha e … që ishte në kopësht nuk i mbijetoi sulmit të protestuesve, sepse e thyen. E thyen dhe ishte e trishtë, por ishte edhe e vështirë t’i shpjegoje … që nuk ishte një protestë estetike, ishte politike. Ishte kundër meje, jo kundër kërpudhës. Nuk më kapën dot mua dhe kapën kërpudhën. Kërpudha u thye. Isha shumë i lumtur kur … më mori në telefon pas një muaji dhe më tha ‘kam një ide fantastike’. Sepse i thashë ‘duhet ta bëjmë prapë. Do e bëjmë prapë, por duhet ta ngremë 25% më lart, që kushdo që e prek ta dijë se do kthehet më e lartë. Kjo do i pengojë njerëzit që ta prishin kërpudhën, por nëse ia dalin, kërpudha do rritet. Më duket shumë e bukur, të mbijetosh me rritje e të reagosh duke u rikthyer, mezi pres kërpudhën që do jetë më e madhe tani, gjë që mund të nxisë protesta të tjera, por pastaj do e zmadhojmë më shumë, sepse jeta vazhdon,’- tha Rama.

    Kërpudha pas Kryeministrisë u thye gjatë protestës së opozitës më 16 shkurt, ngjarje të cilën Rama e “dënoi” në rrjetet e tij sociale.

    (k.m/dosja.al)

    Një Koment në “Protestat/ Rama nga Austria: Jam gati të bisedoj me protestuesit, kërpudhën e thyen, ngjarje e trishtë

    1. Hoqe gardhin e 10 fishove ushtaret. Ne gaz e ne stermundim me ore te tejzgjatura qe nuk jua paguan kurr, deshte fasaden ripjerdhese siçiliste staliniste.
      Te garantoj qe ngaqe nuk ishe ti e hangri kerpurdha, se edhe ngjani shum
      Habitem kush te pret ty, e per çfare mund te diskutohet me nje analfabet funksional

    Shto Koment