Politike

Protesta në kohë pandemie, Rama zgjedh të përgjigjet me fjalët e Dhimitër Krajës: Është thyer çdo rregull kundër COVID-19

VIDEO
Kraja në mesazhin e tij shprehet se populli shqiptar tregoi se e përballoi shumë mirë luftën me COVID-19, pasi nuk ka pasur kolaps dhe të gjithë e kanë marrë ndihmën e duhur mjeksore.
Featured image of article: Protesta në kohë pandemie, Rama zgjedh të përgjigjet me fjalët e Dhimitër Krajës: Është thyer çdo rregull kundër COVID-19 Dhimitër Kraja, mjek

TIRANË- Kryeministri Edi Rama ka zgjedhur sot që me fjalët e doktorit të njohur, Dhimitër Kraja, të japë një mesazh kundër protestave që po zhvillohen ditët e fundit në vend edhe pse jemi në kohë pandemie. Në një postim në Facebook, Rama ka zgjedhur që të publikojë një mesazh të Krajës, i cili është kthyer në vijën e parë të luftës edhe pse kishte dalë në pension.

“MIRËMËNGJES😊 dhe me këtë dëshmi frymëzuese të profesorit të nderuar Dhimitër Kraja, i cili u rikthye nga pensioni si vullnetar, u infektua dhe pasi e mundi armikun, u rikthye sërish krah kolegëve në frontin e luftës përballë Armikut të Padukshëm, ju uroj një ditë të mbarë🙏 #RESPEKT”, shkruan Rama.

Kraja në mesazhin e tij shprehet se populli shqiptar tregoi se e përballoi shumë mirë luftën me COVID-19, pasi nuk ka pasur kolaps dhe të gjithë e kanë marrë ndihmën e duhur mjeksore. Mjeku shton se protestat e ditëve të fundit janë thyerje të masave, pasi qytetarët nuk zbatojnë asnjë rregull anti-COVID.

Për më shumë bëhu pjesë e grupit më viral në Facebook, Dosja.al

E ndejva që e kisha për detyrë që të bashkohesha me stafin, pasi po bënin një punë shumë të vështrië. Kam nderin që jam këtu bashkë me kolegët e mi. Asnjë person nuk ka mbetur pa marrë ndihmën e duhur. Është një metirtë e popullit shqiptar që nuk ka pasur raste të shumta. Këto arritje që janë zakonisht të mëdha, këto nuk duhet të prishen për arsye se po lirohemi nga masat ekstreme. Këto ditët e fundit kam parë që qytetarët po i thyejnë masat, pasi kanë dalë pa maska e ka pasur grumbullime të mëdha dhe janë pranë njëri-tjetrit më shumë seç duihet. Unë them se kujdesi duhet të jetë i vazhdueshëm deri sa të arrihet mposhtja e këtij virusi”, thotë Kraja.

Ditët e fundit, që pas shembjes së Teatrit Kombëtar, mijëra qytetarë kanë dalë në shesh për të protestuar dhe janë thyer të gjithë rregullat e COVID-19.

(A.B. Dosja.al)

Shto Koment