Aktualitet

Takimi në Divjakë/ Ish-deputeti Salianji e pëson keq, procedohet penalisht bashkë me kryetarin e degës së PD-së, bashkë me ta edhe fermerë, Policia: Shkelën masat ndaj COVID-19

  • Salianji: Agresion propagande, asnjë vlerë ligjore. Do vijoj të takoj qytetarët
  • Ngjarja ka ndodhur ditën e djeshme, ku ish-deputeti kishte shkuar në Divjakë për të dëgjuar nga afër ankesat e fermerëve, të cilët gjithashtu janë prekur nga pandemia e koronavirusit në biznesin e tyre.
    Featured image of article: Takimi në Divjakë/ Ish-deputeti Salianji e pëson keq, procedohet penalisht bashkë me kryetarin e degës së PD-së, bashkë me ta edhe fermerë, Policia: Shkelën masat ndaj COVID-19 Pamje nga protesta

    DIVJAKË– Policia e Shtetit ka bërë me dije se ish-deputeti i Partisë Demokratike, Ervin Salianji është proceduar penalisht bashkë me 5 persona të tjerë, pasi kanë shkelur masat ndaj koronavirusit.

    Ngjarja ka ndodhur ditën e djeshme, ku ish-deputeti kishte shkuar në Divjakë për të dëgjuar nga afër ankesat e fermerëve, të cilët gjithashtu janë prekur nga pandemia e koronavirusit në biznesin e tyre.

    Salianji bashkë me kryetarin e dëgës së PD-së në zonë, Julian Gjinin, dhe me një këshilltar të PD-së, me iniciale M.S., të shoqëruar nga 3 fermerë kanë shkuar pranë pikës së grumbullimit të perimeve në fshatin Mizë dhe kanë grumbullar fermerë të tjerë duke shkelur rregullat e caktuara për parandalimin e përhapjes së COVID-19.

    NJOFTIMI I PLOTË:

    Divjakë

    Organizuan grumbullime të paligjshme në kundërshtim me masat e nxjerra nga organet shtetërore në gjendjen aktuale të epidemisë COVID-19, procedohen penalisht 6 shtetas, ndërmjet tyre 3 organizatorët e takimit.

    Specialistët për Hetimin e Krimeve në Komisariatin e Policisë Divjakë proceduan penalisht shtetasit:

    E. S., 32 vjeç, banues në Tiranë, sekretar i Burimeve Njerëzore pranë Partisë Demokratike;

    M. S., 31 vjeç, banues në Berat, këshilltar pranë Partisë Demokratike;

    Për më shumë bëhu pjesë e grupit më viral në Facebook, Dosja.al

    J. Gj., 40 vjeç, banues në Divjakë, kryetar i Partisë Demokratike , dega Divjakë;

    E. H., 39 vjeç, banues në Divjakë, shitës perimesh;

    R. H., 33 vjeç, banues në Divjakë, shitës perimesh;

    A. J., 50 vjeç, banues në Divjakë, fermer;

    Ditën e djeshme, shtetasit E. S., M. S. dhe J. Gj., në rolin e organizatorëve, kanë shkuar pranë pikës së grumbullimit të perimeve në fshatin Mizë, Divjakë dhe kanë grumbulluar fermerë dhe banorë të zonës, duke mos zbatuar Aktin Normativ Nr. 3, datë 15.03.2020 i ndryshuar, si dhe ndryshimet e Kodit Penal të nxjerra nga organet shtetërore në gjëndjen aktuale të epidemisë COVID-19.

    Materialet i kaluan Prokurorisë pranë Gjykatës së Shkallës së Parë Lushnjë, për veprën penale “Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë”, në ngarkim të shtetasve të lartëpërmendur, të cilët po hetohen në gjendje të lirë.

    Prej disa ditësh, Salianji ka thyer karantinën e tij, duke dalë për të denoncuar rastet që nuk janë mbështetur nga qeveria gjatë kulmit të pandemisë së koronavirusit. Disa ditë më parë, ish-deputeti mori rolin e “kamarierit“.

    (k.m/dosja.al)

    Shto Koment