Politike

Protesta e opozitës/ Balla: Shqiptarët dinë të bëjnë diferencën se kush punon, e kush dhunon

Balla thekson se shqiptarët dinë ta bëjnë qartë diferencën se kush punon për ta bërë Shqipërinë europiane, dhe kush janë dhunuesit e imazhit të Shqipërisë. 
Featured image of article: Protesta e opozitës/ Balla: Shqiptarët dinë të bëjnë diferencën se kush punon, e kush dhunon Taulant Balla

TIRANË- Kryetari i Grupit Parlamentar të Partisë Socialiste, Taulant Balla, ka reaguar pas protestës së dhunshme të opozitës para Parlamentit.

Nëpërmjet një postimi në rrjetin social facebook, Balla thekson se shqiptarët dinë ta bëjnë qartë diferencën se kush punon për ta bërë Shqipërinë europiane, dhe kush janë dhunuesit e imazhit të Shqipërisë. 

Sipas Ballës këta do të mbahen mend gjithmonë si dhunues.

Gjithashtu Balla ka publikuar dhe një video, ku shihet një protestues i opozitës duke shkatërruar pronën publike në hyrje të godinës së Parlamentit, në Parkun “Fan Noli”.

Postimi i plotë i Taulant Ballës:

Shqiptarët dinë ta bëjnë qartë diferencën. Kush punon për ta bërë Shqipërinë pjesë të familjes europiane#xdde6;#xddf1;#xddea;#xddfa; dhe kush janë këta dhunues përsëritës të imazhit të Shqipërisë e që shquhen vetëm për të prishur gjithçka Shqipëria ndërton me mund. Gjithmonë këta do të mbahen mend si dhunues.

Për më shumë bëhu pjesë e grupit më viral në Facebook, Dosja.al

Shikojeni këtë video domethënëse se si shkaterrohet prona publike në hyrje të Kuvendit të shqiptarëve, në parkun që mban emrin e shqiptarit të madh “Fan Noli”.

Opozita ka zhvilluar ditën e sotme për rreth 4 orë protestën e saj kundër qeverisë Rama. Bashkë me protestuesit, ata kanë marshuar tre herë rreth Kryeministrisë, e më pas kanë kaluar tek Kuvendi i Shqipërisë, ku në përpjekje për të hyrë në godinë, janë përplasur me Policinë, e cila ka përdorur gaz lotsjellës dhe autobotët e ujit me presion për t’i shpërndar.

Më pas, kryetari i PD-së Lulzim Basha (Lexo këtu) dhe turma e protestuesve kanë shkuar në mënyrë simbolike tek memoriali i ‘heroit të demokracisë” Azem Hajdari, për ta mbyllur protestën me një fjalim para selisë blu. Si pasojë e përplasjes, janë lënduar disa persona, mes tyre edhe policë, ndërkohë gjatë protestës, Meta dhe Ambasada Britanike bënë thirrje për qetësi, ndërsa Rama i quajti prehistorike veprimet politike të opozitës.

(a.m/dosja.al)

Shto Koment