Politike

Protesta e naftëtarëve/ PD:Qeveria të dëgjojë zërin e tyre, të zgjidhë pa vonesa problemin me pagat

PD thekson se naftëtarët janë në të drejtën e tyre për të kërkuar pagat e prapambetura.
Featured image of article: Protesta e naftëtarëve/ PD:Qeveria të dëgjojë zërin e tyre, të zgjidhë pa vonesa problemin me pagat PD dhe pamje nga protesta

TIRANË- Partia Demokratike ka reaguar për protestën e sotme të naftëtarëve para para ministrisë së Infrastrukturës dhe Energjisë. Në një deklaratë për mediet PD thekson se naftëtarët janë të drejtën e tyre dhe se qeveria duhet të dërgjojë zërin e e tyre. Sipas PD-së  qeveria duhet t’u zgjidhë problemin naftëtarëve dhe nuk duhet t’i mashtrojë ata.

 Reagimi: 

Policia e Shtetit nuk duhet të përdoret kundër qytetarëve. Naftëtarët janë në të drejtën e tyre për të kërkuar pagat e prapambetura dhe vijimin e punës. Qytetarët nuk mund të shfrytëzohen, të mos paguhen dhe, në vend të zgjidhjes, të dhunohen nga Policia. Kjo është e turpshme! Edi Rama nuk duhet të fshihet pas punonjësve të Policisë! Ai duhet të mbajë premtimet që u ka dhënë naftëtarëve. Të autorizojë Belinda Ballukun që të presë përfaqësinë e naftëtarëve! Qeveria duhet të dëgjojë zërin e naftëtarëve dhe t’u zgjidhë problemin pa vonesa dhe mashtrime të tjera. Policia e Shtetit nuk duhet të jetë përballë qytetarëve, por përballë atyre që e vjedhur Rafinerinë e Ballshit.

Për më shumë bëhu pjesë e grupit më viral në Facebook, Dosja.al

Ditën e sotme naftëtarët e Ballshit zhvilluan një protestë para ministrisë së Infrastrukturës dhe Energjisë për pagat e prapambetura dhe rifillimin e punës. Ata  kërkuan takim me ministren Balluku, por kjo e fundit nuk priti në zyrë. Menjëherë nisën edhe përplasjet, ku u shoqëruan disa persona në Polici.

J.V/Dosja.al 

Shto Koment