Aktualitet

Protesta e kontrollorëve në Rinas, Lleshaj: Ka kush i zëvendëson, kemi ndërtuar një sistem pagash absurd

Po ashtu ish-ministri i Brendshëm tha se momenti për të zhvilluar këtë protestë ishte më i keqi i mundshëm, ndërsa theksoi se Shqipëria ka ndërtuar një sistem absurd pagash pasi paguajmë në varësi të dëmit që një person mund të bëjë.
Featured image of article: Protesta e kontrollorëve në Rinas, Lleshaj: Ka kush i zëvendëson, kemi ndërtuar një sistem pagash absurd Sandër Lleshaj

TIRANË– Për protestën e kontrollorëve ajrorë në Rinas, ka reaguar ish-ministri i Brendshëm, Sandër Lleshaj. Teksa ishte i ftuar në emisionin “Java”, në RTSH, Lleshaj u shpreh se avionët nuk përplasen se nuk janë kontrollorët për një moment në detyrë, pasi avionët janë autonomë mjaftueshmërisht.

“Dëgjoja ata protagonistët e ngjarjes që me një lloj nënqeshje cinike thonin nuk ka kush na zëvendëson ne. Jo mo ka kush ju zëvendëson fare mirë. Avionët i drejtojnë pilotët dhe avionët janë autonomë mjaftueshmërisht që të mos bien pre e kësaj. Ky është profesioni im i parë, po t’ia rrisja rëndësinë do rrisja rëndësinë e profesionit tim”, deklaroi Lleshaj.

Po ashtu ish-ministri i Brendshëm tha se momenti për të zhvilluar këtë protestë ishte më i keqi i mundshëm.

Për më shumë bëhu pjesë e grupit më viral në Facebook, Dosja.al

“Momenti i zgjedhur është më i keqi i mundshëm dhe është një inteligjencë shumë e vonuar kur pas një viti reagojnë. Kur kanë duruar një vit mund të duronin edhe një muaj. Për këtë kategori kemi paga ekstravagante. Ne kemi ndërtuar një sistem pagash absurd dhe i paguajmë ata në varësi të rëndësisë që ata kanë për të na bërë dëm”, tha Lleshaj.

(a.b)/dosja.al

Shto Koment