Politike

‘Protesta’/ Basha: Nesër goditja finale ndaj tiranisë së krimit, zgjedhjet false pa opozitën

KAVAJË- Kreu i Partisë Demokratike, Lulzim Basha pas takimit në Kamëz, vijoi takimin e tij me mbështetësit e Kavajës.

Në fjalën e mbajtur para qytetarëve, Basha tha se Kavaja është gjeneza e kryengritjes anti-komuniste.

Ndër të tjera, ai theksoi se: “Ne jemi në këtë beteje për një transformim të thellë që do diktojë standartin europian, përmes një platformë të thellë, e cila do ti trajtojë njëlloj njerëzit para ligjit, jo ca të nënës,ca të njerkës. Tirania e krimit është në muzgun e saj”

Për më shumë bëhu pjesë e grupit më viral në Facebook, Dosja.al

Bashkohemi nesër në orën 18:30 kundër krimit. Rama ka mbaruar e duhet të fillojë Kavaja europiane dhe Shqiperia europiane. Do e bëjmë si Europa. Europa e ka dëgjuar zërin tonë, britmën e lirisë që ushton kudo: “E duam Shqipërinë si gjithë Europa” dhe do e bëjmë si gjithë Europa. Mesazhet e Europës kurrë nuk janë dëgjuar më të prera. Ka folur Londra e Berlini se zgjedhje pa opozitën nuk ka. Aq sa bëri zgjedhje pa pd në kavajë do bëjë edhe në Shqipëri. Ne sdo lejojmë asnjë zgjedhje false. S’do lejojmë të qeverisemi nga kriminelet, përdhunuesit dhe drogaxhinjtë. S’do e lejojmë këtë. Kjo ka marrë fund një hërë e mirë. Një ditë e re ka lindur dhe gjeneza s’është rastësisht në Kavajë. Ne demokratët nuk besojmë në rastësi, nuk ka rastësi. Këtu është gjeneza e betejës antikomuniste që nisi rrëzimin e diktaturës komuniste. Këtu ishte qendresa, kavajasit qëndruan të bashkuar.Këtu ka gjenezen edhe takimi për turin tonë për protesten e 16 shkurtit. Zoti u bekoftë ju! Zoti e bekoftë Kavajën! Tirania e krimit është në muzgun e saj. E bekuar ishte ajo ditë”, u shpreh Basha para qytetarëve të Kavajës.

Prej disa ditësh kryetari i Partisë Demokratike, Lulzim Basha ka vijuar me turin e takimeve në rrethe, ku ka prezantuar platformën e PD-së. Sipas tij, kjo platformë do t’i japë fund, krimit të organizuar, trafikut të drogës dhe varfërisë së shqiptarëve. Ai iu bën thirrje qytetarëve që të mos pranojnë zgjedhje pa opozitën, pasi sipas tyre, këto do të ishin zgjedhje false dhe të korruptuara. Opozita e bashkuar ka zhvilluar disa protesta rradhazi, ku kërkojnë rrëzimin e Ramës dhe krijimin e një qeverie tranzitore, e cila garanton zgjedhje të lira e të ndershme.

(a.m/dosja.al)

Shto Koment