Bota

Protesta anti-qeveritare në Irak, rritet bilanci i viktimave, shkon në 42 numri i personave të vrarë

Protestat e dhunshme anti-qeveritare nisën më 25 tetor, pasi disa protesta të nisura më herët gjatë këtij muaji, ishin shtypur nga autoritetet, të cilët kishin përdorur dhunë ndaj protestuesve.
Featured image of article: Protesta anti-qeveritare në Irak, rritet bilanci i viktimave, shkon në 42 numri i personave të vrarë Foto nga protestat në Irak

IRAK-Rritet bilanci i personave të vrarë gjatë protestave në Irak, duke shkuar në 42 viktima.

Protestat e dhunshme anti-qeveritare nisën më 25 tetor, pasi disa protesta të nisura më herët gjatë këtij muaji, ishin shtypur nga autoritetet, të cilët kishin përdorur dhunë ndaj protestuesve.

Sipas medieve të huaja, rreth 200 persona janë vrarë gjatë muajit të kaluar në protestat kundër korrupsionit, papunësisë dhe mungesës së shërbimeve publike. Ushtria e Irakut ka pranuar se ka përdorur “forcë të tepruar” ndaj protestuesve dhe ka thënë se ka nisur “të mbajë përgjegjës të gjithë ata oficerë komandues të cilët kanë kryer këto akte të gabuara”.

Vala e protestave që janë më vdekjeprurëset që prej se grupi militant Shteti Islamik (IS) u mposht në Irak më 2017, është parë si sfida e parë më e madhe për qeverinë e kryeministrit, Adil Abul-Mahdi, i cili erdhi në pushtet rreth një vit më parë.

(a.m/dosja.al)

Shto Koment