Aktualitet

“Prokurorët duhet të guxojnë përtej Gërdecit e 21 janarit”/ Fatos Klosi: SPAK e BKH të fusin në axhendë dosjet e vjetra

Klosi ka theksuar se SPAK dhe BKH duhet të fusin në axhendë dosjet e vjetra.
Featured image of article: “Prokurorët duhet të guxojnë përtej Gërdecit e 21 janarit”/ Fatos Klosi: SPAK e BKH të fusin në axhendë dosjet e vjetra Fatos Klosi
Përditësuar:

TIRANË- Ish-kreu i Shërbimit Informativ Shtetëror, Fatos Klosi ka deklaruar se ka ardhur koha që SPAK e BKH të fusin në axhendë dosjet e vjetra. Në një intervistë për gazetën SOT, ai ka theksuar se prokurorët duhet të guxojnë përtej “Gërdecit”, “21 janarit” e “Rrugës së Kombit”.

Ai ka theksuar më tej se vetëm nëse hapen dosjet e bujshme atëherë do të tregohet se reforma e vërtetë në drejtësi.

“Dosjet e bujshme janë tepër sensitive dhe mendoj se ka ardhur koha që të hapen. Por përtej “21 Janarit”, “Gërdecit” apo aferës së rrugës Durrës-Kukës, mendoj se ka të tjera dosje që duhen hapur që janë të këtij niveli. Shiko populli normalisht që po pret që tre dosjet që ju përmendët janë kryesore dhe ka ardhur koha që ato të hapen, pasi me ngritjen e SPAK dhe BKH, por edhe futjes në shina të gjithë sistemit të drejtësisë falë reformës në drejtësi, është krijuar një klimë besimi se do të vendoset drejtësi. Kështu që populli më shumë do ta ndiejë nëse vërtet është bërë një reformë në drejtësi, vetëm nga fakti nëse drejtësia e re do të jetë kurajoze, e zonja dhe që t’ju hyjë me themel këtyre dosjeve dhe gjërave të mëdha. Pra, drejtësi e re duhet të hapë dosjet e bujshme dhe të vendosë pikat mbi (I). Dhe nga kjo pikëpamje kur të gjithë presin, edhe unë pres që dosjet e mëdha të hapen”, deklaroi ai.

Për më shumë bëhu pjesë e grupit më viral në Facebook, Dosja.al

Duke komentuar faktin se a do të guxojnë Struktura e Posaçme Kundër Korrupsionit dhe Krimit të Organizuar dhe Byroja Kombëtare e Hetimit për të hapur dosjet e vjetra të bujshme, ai tha se kjo gjë është plotësisht e realizueshme.

“Sa i takon guximit që do të ketë Struktura e Posaçme Kundër Korrupsionit dhe Krimit të Organizuar dhe Byrosë Kombëtare se a do t’i shkojnë deri në fund hetimeve dhe çuarjes para drejtësisë së autorëve dhe shkaktarëve të dosjeve të bujshme, mendoj se po. Unë nuk mund të them se besoj se SPAK dhe BKH do të zbardhin dosjet e bujshme, por shpresoj se ato do ta bëjnë këtë gjë në mënyrën më objektive të mundshme. Kështu që, duke qenë se unë kam shpresë dhe për faktin që gjithë kjo punë që u bë me reformën në drejtësi, mendoj se do të ketë pasoja për ata që janë përfshirë në korrupsion dhe krime. Aq më tepër që BKH do të asistohet edhe nga prokurorë amerikanë dhe të gjitha këto bashkë më shtyjnë që unë të mendoj dhe shpresoj që drejtësia e re do të lëvizë dhe do të vendosë drejtësinë në vend për të gjitha dosjet e bujshme”, përfundoi ai.

J.V/Dosja.al 

Shto Koment