Aktualitet

Probleme me pasurinë, KPK shkarkon Lindita Hoxhën. Gjyqtarja uli në vitin 2019 dënimin për Dritan Dajtin

Në seancën dëgjimore që u zhvillua të hënën, u evidentuan gjetjet për të tri kriteret e vlerësimit, atë të pasurisë, të pastërtisë së figurës dhe profesionalizmit.
Featured image of article: Probleme me pasurinë, KPK shkarkon Lindita Hoxhën. Gjyqtarja uli në vitin 2019 dënimin për Dritan Dajtin Gjyqtarja Lindita Hoxha duke dalë nga seanca e KPK

TIRANË- Komisioni i Pavarur i Kualifikimit ka marrë sot vendimin për gjyqtaren e Gjykatës së Apelit Shkodër, Lindita Hoxha. Sot KPK me anë të trupës gjykuese; Xhensila Pine, Etleda Çiftja dhe Valbona Sanxhaktari kanë shkarkuar Hoxhën.

Në seancën dëgjimore që u zhvillua të hënën, u evidentuan gjetjet për të tri kriteret e vlerësimit, atë të pasurisë, të pastërtisë së figurës dhe profesionalizmit. Sipas Sanxhaktari gjyqtarja Hoxha kishte bërë deklarime të pasakta të pasurive dhe burimeve të krijimit.

Po ashtu u zbulua dhe mungesë dokumentacioni për të provuar një pjesë të të ardhurave dhe burimin e dy huave. Pas këtyre mangësive në të shkuarën e Hoxhës, treshja gjykuese vendosi shkarkimin e saj.

Për më shumë bëhu pjesë e grupit më viral në Facebook, Dosja.al

Kush është Lindita Hoxha?

Lindita Hoxha ka një karrierë 27-vjeçare në sistemin e drejtësisë. Prej vitit 2003 ajo ka shërbyer si gjyqtare në Gjykatën e Apelit Shkodër. Në vitin e 2019, Hoxha ishte një nga 5 gjyqtarët e Apelit që shqyrtuan çështjen e uljes së masës së dënimit ndaj Dritan Dajtit – një gangster famëkeq i dënuar për vrasjen e 4 policëve të shpallur dëshmorë të atdheut.

(A.B. Dosja.al)

Shto Koment