AktualitetPolitike

Pretendonin se punonjësja e postës po shpërndante para në këmbim të votës, procedohen penalisht pesë simpatizantë të PD në Dibër (Emrat)

Sipas uniformave blu, nga verifikimet e kryera nga dhe nga kontrolli i ushtruar i grupit hetimor në automjetin që udhëtonte shtetasja F. M., nuk u gjet asnjë send kompromentues në lidhje me procesin zgjedhor.
Featured image of article: Pretendonin se punonjësja e postës po shpërndante para në këmbim të votës, procedohen penalisht pesë simpatizantë të PD në Dibër (Emrat) Foto ilustruese

DIBËR– Pesë simpatizantë të Partisë Demokratike janë proceduar penalisht, pasi kanë ndaluar për kontroll punonjësen e postës në Maqellarë, me pretendimin se po shpërndante para në këmbim të votave.

Sipas policisë, nga verifikimet e kryera nga dhe nga kontrolli i ushtruar i grupit hetimor në automjetin që udhëtonte shtetasja F. M., nuk u gjet asnjë send kompromentues në lidhje me procesin zgjedhor. Policia ka nisur procedimin ndaj simpatizantëve Luan Haka, Arben Strazimiri, Gjergj Muça, Behar Dema dhe Aranit Osmani.

Njoftimi i policisë:

Për më shumë bëhu pjesë e grupit më viral në Facebook, Dosja.al

Nga specialistët për Hetimin e Krimit në Komisariatin e Policisë Dibër, filluan procedimin penal në gjendje të lirë për shtetasit:A. S., Gj. M., L. H., B. D., A. O., banues në Dibër, (simpatizanë të një subjejti politik)Këta shtetas në mënyrë të kundraligjshme, në fshatin Burim, kanë kryer veprime në kundërshtim me ligjin, duke ndaluar dhe kontrolluar një automjet , që udhëtonte shtetasja F. M, punonjëse në Postën e Maqellarës, (me detyrë pagatore shpërndares e pensioneve) në Njësinë Administrative Maqellarë, me pretendimin se kjo shtetase po shpërndante para në këmbim të votave.Nga verifikimet e kryera dhe kontrolli i ushtruar i grupit hetimor dhe shërbimeve të Policisë në automjetin që udhëtonte shtetasja F. M., nuk u gjet asnjë send kompromentues në lidhje me procesin zgjedhor.Materialet procedurale i kaluan Prokurorisë Dibër për veprën penale” Kundërshtim i punonjësit që kryen një detyrë shtetërore ose një shërbim publik”.

(A.B)/Dosja.al

Shto Koment