Bota

Presidenti Trump shkarkon kreun e agjencisë federale pasi ky i fundit deklaroi se zgjedhjet ishin të sakta

Në një postim në Twitter, Trump tha se deklarata e fundit e Krebs në lidhje me zgjedhjet ishte e pasaktë.
Featured image of article: Presidenti Trump shkarkon kreun e agjencisë federale pasi ky i fundit deklaroi se zgjedhjet ishin të sakta Christopher Krebs

SHBA-Presidenti aktual i SHBA-së, Donald Trump ka shkarkuar ditën e djeshme drejtorin e Agjencisë Federale të Sigurisë Kibernetike, Christopher Krebs pasi ky i fundit garantoi se zgjedhjet presidenciale të 3 nëntorit ishin të besueshme. Në një postim në Twitter, Trump tha se deklarata e fundit e Krebs në lidhje me zgjedhjet ishte e pasaktë. Më tej ai i qëndroi vendimit të tij se këto zgjedhje janë të manipuluara.

“Deklarata e fundit nga Chris Krebs mbi sigurinë e Zgjedhjeve 2020 ishte shumë e pasaktë, pasi kishte pasur mashtrime mashtruese duke përfshirë njerëzit e vdekur që votonin, vëzhguesit e sondazhit nuk lejoheshin të futeshin në vendet e votimit, “gabime” në makineritë e votimit të cilat ndryshuan votat nga Trump te Biden, votim i vonuar dhe shumë më tepër. Prandaj, Chris Krebs është pushuar si Drejtor i Agjencisë së Sigurisë Kibernetike dhe Agjencisë së Sigurisë së Infrastrukturës,” ka shkruar Trump.


Në zgjedhjet presidenciale të 3 nëntorit, Donald Trump humbi ndaj kundërshatrit të tij Joe Biden. Trump nuk e ka pranuar rezultatin e këtyre zgjedhjeve duke argumentuar se janë të manipuluara.

(I.A/dosja.al)

Shto Koment