Aktualitet

Prefekti i Shkodrës qetëson qytetarët: Nuk jemi të rrezikuar nga përmbytjet, kemi situatën në kontroll (VD)

Deklarata e Prefektit është bërë pas alarmit nga IGJEUM se Shkodra ishte e rrezikuar nga përmbytjet nëse reshjet do të vijojnë me këtë intesitet.

SHKODËR- Prefekti i Shkodrës Çesk Millja ka folur sot për mediat pas situatës me reshjet e shiut në Qarkun që ai drejton.

Millja ka thënë se deri tani situata ka qenë normale dhe nuk ka asnjë problem. Deklarata e Prefektit është bërë pas alarmit nga IGJEUM se Shkodra ishte e rrezikuar nga përmbytjet nëse reshjet do të vijojnë me këtë intesitet.

Situata është normale, nuk ka asnjë problematikë. Niveli i lumenjve dhe liqenit të Shkodres deri tani është në kushte normale. Intensiteti i reshjeve gjatë dy ditëve të fundit ka qenë i lartë por nuk ka shkaktuar asnjë problem. Po mbajmë situatën në monitorim të vazhdueshëm”, u shpreh ndër të tjera Prefekti i Shkodrës.

Reshje të shumta shiu kanë rënë gjatë natës në të gjithë vendin tonë. Shqipëria është zgjuar një pjesë nën ujë, ku probleme të shumta ka pasur në Tiranë, Durrës, Lezhë e Kavajë. Probleme ka pasur dhe në Gjirokastër, ku disa Njësi Administrative kanë qenë pa energji elektrike. Ndërkohë mësohet se Shkodra, Vlora e Kruja që kanë qenë qytete më të rrezikuara këtë herë nuk janë përmbytur.

(A.B. Dosja.al)

Shto Koment