Blog

POPUJ ME KRAHË GURI

Unë i quaj engjëj me krahë guri, të cilët më kujtojnë shpirtin e një njeriu me fluturim të pamundur. Për mua këto statuja janë një skenë e trishtuar e një parajse engjëjsh që e kanë të pamundur të fluturojnë.
Featured image of article: POPUJ ME KRAHË GURI Foto Ilustruese

Katedralet shpesh rreth kulmeve të tyre kanë statuja engjëjsh prej mermeri apo edhe me gurë të tjerë.

Simboli i tyre ka kuptimin e fluturimit të qenies drejt hyjnores ose drejt fatit të saj.
Unë i quaj engjëj me krahë guri, të cilët më kujtojnë shpirtin e një njeriu me fluturim të pamundur. Për mua këto statuja janë një skenë e trishtuar e një parajse engjëjsh që e kanë të pamundur të fluturojnë.

“Liria e një populli ka nevojë për lirinë e zemrës së tij“, kështu shkruanin parullat përpara pushtimit nazist të Luftës së Dytë Botërore.
Diktaturat kanë si qëllim të prangosin popujt e tyre njësoj siç bëjnë tabutë, ngrenë modele ndëshkimi dhe bindjesh, besimesh dhe paranojash. Ky ka qenë rregulli i errët në të gjithë qytetërimet.

Për më shumë bëhu pjesë e grupit më viral në Facebook, Dosja.al

Por historia njerëzore evoluon. Prandaj, civilizimi i shkëlqyeshëm dhe i egër modern duhet të korrigjojë dhe të vendosë themelet për një njeri të ri: sapiens të çliruar. Të çliruar nga vetja e tij dhe nga prangat e së kaluarës. Bilbili vdes nëse e fusim në kafaz, ai dhuron jetën e tij përballë pamundësisë për të qenë i lirë.

Në të njëjtën mënyrë, qenia njerëzore e cila nuk është e lirë në fund kthehet në një qenie pa fluturim dhe pa dashuri, si engjëlli i ftohtë me krahë dhe vështrimi prej guri.

Etiketa:

Shto Koment