Aktualitet

Policia Rrugore në Tiranë “masakër” ndaj shofërëve, 17 të arrestuar dhe 3200 të gjobitur (VD)

Sipas Policisë gjatë javës së kaluar janë arrestuar 17 drejtues mjetesh, të cilët kishin bërë disa shkejlje.

TIRANË- Policia e Rrugore e Tiranës ka publikuar sot bilancin e punës së javës që lamë pas, duke treguar dhe numrin e shofërëve të ndëshkuar. Sipas Policisë gjatë javës së kaluar janë arrestuar 17 drejtues mjetesh, të cilët kishin bërë disa shkejlje.

Më tej Policia shkruan se janë pezulluar 117 leje drejtimi, nga të cilat 33 për drejtim mjeti nën efektin e alkoolit, 39 për shpejtësi mbi normat e lejuara si dhe 45 për shkelje të tjera të rregullave të qarkullimit rrugor.

Këto janë shifra shumë të larta, pasi krharasuar me raportet e javë te tjera ka një rritje shumë të ndjeshme të gjobave që kanë marrë shoferët.

NJOFTIMI I PLOTË

Rrugoret e kryeqytetit përgjatë javës që lame pas, kanë vijuar me ndjekjen e detyrimeve të caktuara në planin e veprimit për mjetet me xhamat e portave të para të errësuar, sistemet shtesë pamore dhe zanore si dhe patrullimet me përzgjedhje për parandalimin, konstatimin dhe verifikimin e shkeljeve, që janë burim i shtuar për aksidente rrugore si, drejtimi i mjeteve nën efektin e alkoolit, shpejtësinë mbi normat e lejuara, etj.

Ne funksion te planit të veprimit, përgjatë javës janë konstatuar dhe:

  • arrestuar në kushtet e flagrancës 17 shtetas, nga të cilët 7 për drejtim mjeti në gjendje të dehur, 8 të papajisur me leje drejtimi si dhe 2 drejtues mjeti për veprën penale “Korrupsioni aktiv ndaj personave që ushtrojnë funksione publike”.
  • pezulluar 117 leje drejtimi, nga të cilat 33 për drejtim mjeti nën efektin e alkoolit, 39 për shpejtësi mbi normat e lejuara si dhe 45 për shkelje të tjera të rregullave të qarkullimit rrugor.
  • proceduar administrativisht 17 drejtues mjetesh për mosrregullim shpejtësie dhe gara me shpejtësi.
  • proceduar administrativisht 56 drejtues mjetesh për xhamat e portave të para të errësuar.
  • proceduar administrativisht 2 drejtues mjetesh për posedim të sistemeve shtesë pamore dhe zanore.
  • proceduar administrativisht 425 drejtues mjetesh për përdorim të aparatit celular gjatë drejtimit të mjetit.
  • proceduar administrativisht 121 drejtues motomjetesh për mosperdorim të kaskës mbrojtëse.
  • proceduar administrativisht 78 drejtues mjetesh, për mosdhënie përparësie ndaj këmbësorëve.
  • janë vendosur 3200 masa administrative për shkelje të tjera të rregullave të qarkullimit rrugor.

(A.B. Dosja.al)

Shto Koment