Aktualitet

Policia arreston 3 persona: Njëri dhunoi bashkëshorten, tjetri përndiqte një 18-vjeçare. U prangos dhe një i ri se mbante dorezë metalike me vete

Është arrestuar dhe një i ri, 23 vjeç pasi gjatë kontrollit fizik iu gjet e iu sekuestrua në cilësinë e provës materiale një dorezë metalike.
Featured image of article: Policia arreston 3 persona: Njëri dhunoi bashkëshorten, tjetri përndiqte një 18-vjeçare. U prangos dhe një i ri se mbante dorezë metalike me vete Policia e Tiranës

TIRANË- Policia e Tiranës ka arrestuar sot 3 qytetarë, për vepra të ndryshme penale. Në një njoftim për mediat bëhet me dije se në pranga ka rënë shtetasi K. D., 31 vjeç, pasi në fshatin Ballaj, Rrogozhinë, ka shkelur urdhrin e mbrojtjes të vendosur nga Gjykata për bashkëjetuesen dhe ka ushtruar dhunë fizike dhe psikologjike ndaj saj, në banesë.

Po ashtu është arrestuar dhe një 41-vjeçar pasi përndiqte një 18-vjeçare. Është arrestuar dhe një i ri, 23 vjeç pasi gjatë kontrollit fizik iu gjet e iu sekuestrua në cilësinë e provës materiale një dorezë metalike.

Shkeli urdhrin e mbrojtjes dhe ushtroi dhunë fizike dhe psikologjike ndaj bashkëjetueses, arrestohet në flagrancë 31-vjeçari. Vihen në pranga dhe 2 shtetas të tjerë. Nga specialistët për Hetimin e Krimit në Komisariatin e Policisë Kavajë u bë arrestimi në flagrancë i shtetasit K. D., 31 vjeç, pasi në fshatin Ballaj, Rrogozhinë, ka shkelur urdhrin e mbrojtjes të vendosur nga Gjykata për bashkëjetuesen dhe ka ushtruar dhunë fizike dhe psikologjike ndaj saj, në banesë.

Për më shumë bëhu pjesë e grupit më viral në Facebook, Dosja.al

Specialistët për Hetimin e Krimit në Komisariatin e Policisë Nr. 6 bënë arrestimin në flagrancë të shtetasit A. C., 41 vjeç, për veprën penale “Përndjekja”, pasi ka përndjekur një 18-vjeçare, në mënyrë të vazhdueshme. Nga specialistët për Hetimin e Krimit në Komisariatin e Policisë Nr. 2 u bë arrestimi në flagrancë i shtetasit D. V., 23 vjeç, për veprën penale “Mbajtja pa leje e armëve të ftohta”, pasi në rrugën “Pjetër Bogdani”, gjatë kontrollit fizik iu gjet e iu sekuestrua në cilësinë e provës materiale një dorezë metalike. Materialet i kaluan Prokurorisë së Rrethit Gjyqësor Tiranë, për veprime të mëtejshme”, njofton Policia.

(A.B. Dosja.al)

Shto Koment