Aktualitet

‘Po shkonim të hanim bukë në shtëpi’/ Dy të rinjtë që u qëlluan me kallash nga i moshuari në Elbasan: S’e dimë nga na erdhi, kur pamë po dilte gjak nga këmbët (Fotot nga spitali)

Dy të rinjtë u plagosën nga Lefter Zhidru, i cili nisi që të qëllonte nga ballkoni i shtëpisë së tij me kallashnikov pas një sherri me ishbashkëshorten.
Featured image of article: ‘Po shkonim të hanim bukë në shtëpi’/ Dy të rinjtë që u qëlluan me kallash nga i moshuari në Elbasan: S’e dimë nga na erdhi, kur pamë po dilte gjak nga këmbët (Fotot nga spitali) Pamje nga spitali

ELBASAN– Adenour Konaxhiu 21 vjeç dhe 22-vjeçari Ledio Saraçi janë jashtë rrezikut për jetën. Dy të rinjtë u plagosën nga Lefter Zhidru, i cili nisi që të qëllonte nga ballkoni i shtëpisë së tij me kallashnikov pas një sherri me ish-bashkëshorten.

Dy të rinjtë thanë për “AbcNews” se po kalonin rastësisht në rrugë dhe nuk e kishin kuptuar që ishin plagosur nga 71-vjeçari.

“As vetë nuk e dimë nga na erdhi. Po ktheheshim në shtëpi për të ngrënë bukë. Ishim duke ecur kur pamë që po na dilte gjak nga këmbët. Në atë moment u futën në një banesë, pasi nuk po dinim cfarë po bëhej,”-tha ai.

Për më shumë bëhu pjesë e grupit më viral në Facebook, Dosja.al

Ndërsa mjeku Behar Gjevori, i cili trajtoi të rinjtë në spitalin e Elbasanit u shpreh se dy të rinjtë janë plagosur në këmbë dhe janë jashtë rrezikut për jetën: “Nuk kanë probleme për jetën”.

Pas 5 orësh forcat RENEA ekzektuan 71-vjeçarin nga Elbasani, Lefter Zhidru! I moshuari shkaktoi terror në qytet duke plagosur edhe dy qytetarë që po kalonin rastësisht poshtë banesës së tij. Pas një sherri me ish-gruan, ai doli në ballkon dhe qëlloi ndaj Policisë. Pavarëisht thirrjeve për t’u dorëzuar, ai nuk hoqi dorë nga sulmet dhe u vra brenda banesës. Aty kishte një armë zjarri, fishekë dhe lëndë plasëse.

(k.m/dosja.al)

Shto Koment