Aktualitet

Po mbillnin pacela me kanabis, arrestohen 4 persona në Tiranë, dy të tjerë shpallen në kërkim

Policia e Tiranës ka arrestuar 4 persona si dhe ka shpallur në kërkim dy të tjerë pasi akuzohen se po tentonin të mbillnin drogë.
Featured image of article: Po mbillnin pacela me kanabis, arrestohen 4 persona në Tiranë, dy të tjerë shpallen në kërkim Foto ilustruese

Tiranë- Policia e Tiranës ka arrestuar 4 persona si dhe ka shpallur në kërkim 2 të tjerë, pasi akuzohen se po mbillnin drogë, në vendin e quajtur “Zgurë”, në Zall Bastar. Policia ka arrestuar I. M., 45 vjeç, Q. M., 68 vjeç,   B. H., 44 vjeç dhe L. M., 44 vjeçe.

Njoftimi i Policisë:

Finalizohet operacioni policor i koduar “Zall Bastari”. Operacioni nga Komisariati i Policisë Nr. 4, nën drejtimin e Prokurorisë pranë Gjykatës së Shkallës së Parë Tiranë, i ndjekur me metoda speciale të hetimit.

Goditet një rast i tentativës për kultivim të bimëve narkotike. Vihen në pranga 4 shtetas, si dhe shpallen në kërkim 2 të tjerë.

Për më shumë bëhu pjesë e grupit më viral në Facebook, Dosja.al

Specialistët për Hetimin e Krimit të Komisariatit Nr. 4, në bashkëpunim me Prokurorinë pranë Gjykatës së Shkallës së Parë Tiranë dhe Drejtorinë Vendore të Policisë Tiranë, pas një pune investigative dhe hetimore, në vijim të kontrolleve të pandërprera për parandalimin e kultivimit të bimëve narkotike, organizuan dhe finalizuan operacioni policor “Zall Bastari”, në kuadër të cilit u bë ndalimi i shtetasve:

– I. M., 45 vjeç, banues në Tiranë;
– Q. M., 68 vjeç, banues në Tiranë;
– B. H., 44 vjeç, banues në Tiranë;
– L. M., 44 vjeçe, banuese në Tiranë;

Si dhe u bë shpallja në kërkim e shtetasve N. M., 44 vjeç dhe F. M., 43 vjeçe. Këta shtetas, në bashkëpunim me njëri-tjetrin, në vendin e quajtur “Zgurë”, Njësia Administrative Zall Bastar, në një serë kanë kultivuar në kubikë fara narkotike, të cilat po tentonin t’i mbillnin në tokë. Kubikët me fidanë kanabisi u asgjësuan gjatë operacionit dhe një pjesë e tyre u sekuestruan në cilësinë e provës materiale. Vazhdon puna për identifikimin dhe kapjen e autoreve të tjerë të implikuar në këtë aktivitet kriminal.
Materialet procedurale u referuan në Prokurorisë pranë Gjykatës së Shkallës së Parë Tiranë, për veprën penale “Kultivim i bimëve narkotike, kryer në bashkëpunim”.

J.V/Dosja.al

Shto Koment