Politike

“Po këndon nga halli”, Flamur Noka: Fundi i tij, shumë i keq. Këmbanat ranë për ata që kanë veshë

Ish-deputeti i Partisë Demokratike Flamur Noka, ndërsa komentoi protestën e sotme, u shpreh se këmbanat kanë rënë për ata që kanë veshë. Sipas tij do të ketë përshkallëzim situate deri në bllokim të plotë të kryeministrit Rama.
Featured image of article: “Po këndon nga halli”, Flamur Noka: Fundi i tij, shumë i keq. Këmbanat ranë për ata që kanë veshë Ish-deputeti i PD-së Flamur Noka

TIRANË- Ish-deputeti i Partisë Demokratike Flamur Noka, ka folur pas protestës opozitës të zhvilluar ditën e sotme.

I ftuar në studion e televizionit Ora News, Noka u shpreh se këmbanat kanë rënë për ata që kanë veshë, ndërsa paralajmëroi Kryeministrin Edi Rama se fundi i tij do të jetë shumë i keq.

“Këmbanat kanë rënë për ata që kanë veshë. Mjerë ai që nuk ka vesh për të dëgjuar këto këmbana. Fundi i tij do të jetë shumë i keq”, – tha Noka.

I pyetur lidhur me reagimin e Kryeministrit Edi Rama, i cili u shfaq duke kënduar nga Berati, Noka tha:

“Po këndon nga halli, po përpiqet të fshehë hallin që e ka zënë. Po përpiqet të kamuflohet me makiazh, por propagandës së tij i doli boja.

Nga 16 shkurti e deri më sot, opozita ka njohur vetëm ngritje të paparashikueshme”.

Për më shumë bëhu pjesë e grupit më viral në Facebook, Dosja.al

I pyetur se çdo të ndodhë nëse Edi Rama nuk largohet, pasi ai është shprehur i vendosur se do të vijojë deri punën, Noka u shpreh:

“Askush sot nuk mund të pranojë që Edi Rama t’i thotë që Edi Ramaë është zgjedhur me votat e qytetarëve. Të pranosh që Edi Rama është zgjedhur nga vota e qytetarëve ose je miop ose shtiresh. Dosja 339 tregon se si janë marrë votat. dosja e Dibrës gjithashtu. Dosja e famshme “Habilaj” flet për nevojën e parave që i duhen për blerjen e votave.

Zyra e OSBE-së në Tiranë, është një paradhomë e Edi Ramë dhe e Rilindjes. Askush nuk duhet ta pranojë atë që thotë paradhoma e Edi Ramës. Po flasim për dokumente dhe prova të pakontestueshme”, ndërsa më tej paralajmëroi se “Do të ketë përshkallëzim dhe vetëm përshkallëzim, deri në bllokim të plotë të tij”.

Opozita ka zhvilluar ditën e sotme për rreth 4 orë protestën e saj kundër qeverisë Rama. (Lexo këtu) Bashkë me protestuesit, ata kanë marshuar tre herë rreth Kryeministrisë, e më pas kanë kaluar tek Kuvendi i Shqipërisë ku në përpjekje për të hyrë në godinë, janë përplasur me Policinë, e cila ka përdorur gaz lotsjellës dhe autobotët e ujit me presion për t’i shpërndar.

Më pas kryetari i PD-së Lulzim Basha dhe turma e protestuesve kanë shkuar në mënyrë simbolike tek memoriali i ‘heroit të demokracisë” Azem Hajdari, për ta mbyllur protestën me një fjalim para selisë blu. Si pasojë e përplasjes janë lënduar disa persona, mes tyre edhe policë, ndërkohë gjatë protestës Meta dhe Ambasada Britanike bënë thirrje për qetësi, ndërsa Rama i quajti prehistorike veprimet politike të opozitës.

(B.B/ Dosja.al)

Shto Koment