Aktualitet

EMRAT/ Prostitucion në Tiranë! Qendra e masazhit në ‘Don Bosko’ rekrutonte vajza nga rrjetet sociale, i shfrytëzonin seksualisht, arrestohet menaxheri, pronari shpallet në kërkim

Goditet një tjetër rast i veprimtarisë kriminale në fushën e shfrytëzimit të prostitucionit në kryeqytet. Në pranga ka rënë menaxheri i një qendre masazhi, ndërsa është shpallur në kërkim pronari i saj, për shfrytëzim prostitucioni dhe për përshtatje të qendrave të masazheve për shfrytëzim prostitucioni.
Featured image of article: EMRAT/ Prostitucion në Tiranë! Qendra e masazhit në ‘Don Bosko’ rekrutonte vajza nga rrjetet sociale, i shfrytëzonin seksualisht, arrestohet menaxheri, pronari shpallet në kërkim Qendra e masazheve

TIRANË– Goditet sërish prostitucioni në qendrat e masazhit! Dosja.al ka mësuar se një qendër masazhi në kryeqytet në “Don Bosko” ishte kthyer në një skutë prostitucioni, ku të punësuarat ofronin shërbime ekstra, duke u kamufluar si masazhiere.

Në pranga ka rënë menaxheri i kësaj qendre, 28-vjeçari Kliton Shuli, ndërsa pronari, Ernest Shkreli, 23 vjeç është shpallur në kërkim.

Për më shumë bëhu pjesë e grupit më viral në Facebook, Dosja.al

Të dy djemtë, rekrutonin vajza nga rrjetet sociale dhe i punësonin në qendrën e tyre, ku i shfrytëzonin për prostitucion. Policia ka proceduar penalisht edhe katër vajza që punonin në këtë ‘qendër masazhesh’, të cilat u gjetën brenda ambienteve në momentin e kontrollit nga efektivët.

(a.b;f.m/dosja.al)

  • 11:08

    I shpallur në kërkim për shfrytëzim prostitucioni, kush është pronari i qendrës së masazhit që rekrutonte vajzat nga rrjetet sociale, zbardhet dhe identiteti i menaxherit

    Dosja.al ka zbardhur emrat e dy personave që akuzohen për shfrytëzim prostitucioni, aktivitet që zhvillohej në një qendër masazhi në “Don Bosko”. Mësohet se pronari që është shpallur në kërkim është 23-vjeçari Ernest Shkreli.

  • 09:54

    Njoftimi i policisë

    Njoftimi i policise:

    Goditet një tjetër rast i veprimtarisë kriminale në fushën e shfrytëzimit të prostitucionit dhe përshtatjes së ambienteve për prostitucion. Vihet në pranga menaxheri i një qendre masazhi dhe shpallet në kërkim pronari i saj, për shfrytëzim prostitucioni dhe për përshtatje të qendrave të masazheve për shfrytëzim prostitucioni. Procedohen penalisht dhe 4 shtetase, për veprën penale “Prostitucioni”. Specialistët e Seksionit për Hetimin e Trafiqeve të Paligjshme në Drejtorinë Vendore të Policisë Tiranë, pasi kishin siguruar të dhëna në rrugë operative se në rrugën “Don Bosko” disa shtetase shfrytëzoheshin për prostitucion nga menaxheri dhe pronari i një qendre masazhi, kanë organizuar punën për të dokumentuar veprimtarinë kriminale të këtyre shtetasve. Në bazë të provave të grumbulluara, si rezultat e një pune disamujore, u kap dhe u vu në pranga menaxheri i qendrës së masazhit, shtetasi K. Sh., 28 vjeç, banues në Tiranë, si dhe u shpall në kërkim pronari i kësaj qendre, shtetasi E. Sh., 23 vjeç. Këta shtetas, në bashkëpunim me njëri-tjetrin, rekrutonin femra nëpërmjet rrjeteve sociale, me pretendimin për t’i punësuar si masazhatore dhe më pas i detyronin ato që t’iu ofronin klientëve të qendrës së masazhit edhe shërbime seksuale. Klientët e kësaj qendre bënin pagesa për dy shërbime dhe përfitimet ndaheshin ndërmjet administratorit dhe punonjëseve që kryenin këto shërbime. Në vijim të veprimeve u proceduan penalisht edhe 4 shtetase të punësuara në këtë qendër, për veprën penale “Prostitucioni”. Materialet i kaluan Prokurorisë së Rrethit Gjyqësor Tiranë, për veprime të mëtejshme.

Një Koment në “EMRAT/ Prostitucion në Tiranë! Qendra e masazhit në ‘Don Bosko’ rekrutonte vajza nga rrjetet sociale, i shfrytëzonin seksualisht, arrestohet menaxheri, pronari shpallet në kërkim

  1. Vriten njerez perdit …autoret ikin ndrejtim te paditur ..policia e leshit dhe e Lleshit merret me Kurvat e me maskat …ca turpi …aaaa mjer ky ven

Shto Koment