Politike

Plas DEBATI në studio/ Lala ‘shpërthen’ ndaj Lleshajt: Ske turp, si mund të gënjeni kaq hapur, Ministri: Më zure ngusht, s’ta kthej dot në të njëjtën mënyrë 

leshaj i është përgjigjur se OFL-ja ka qenë shumë i sukseshëm, ndërsa gazetarja i është kthyer: T’ju vijë turp që e thoni këtë. Lleshaj më pas la të kuptohej se nëse do të ishte burrë dhe jo grua do t’i përgjigjej me të njëjtën gjuhë.
Featured image of article: Plas DEBATI në studio/ Lala ‘shpërthen’ ndaj Lleshajt: Ske turp, si mund të gënjeni kaq hapur, Ministri: Më zure ngusht, s’ta kthej dot në të njëjtën mënyrë 

TIRANË– Mnistri i Brendshëm i Shqipërisë, Sandër Lleshaj mbrëmjen e sotme ka debatuar me gazetaren e kronikës Klodiana Lala. Debati ka nisur për shifrat e OFL-së. Të ftuar në emisionin “Opinion”, Lala i ka thënë se OFL-ja, e cila është krijuar për të goditur krimin nuk ka sekuestruar asnjë pasuri. Lleshaj i është përgjigjur se OFL-ja ka qenë shumë i sukseshëm, ndërsa gazetarja i është kthyer: T’ju vijë turp që e thoni këtë. Lleshaj më pas la të kuptohej se nëse do të ishte burrë dhe jo grua do t’i përgjigjej me të njëjtën gjuhë.

Pjesë nga biseda: 

Pjesë nga diskutimi:

Lala: Zoti ministër ju dhatë disa shifra për OFL-në, të cilat më kërcasin dhe nuk kanë asnjë lidhje me realitetin. MË rezulton që nga Gjykata e Posaçme janë sekuestruar vetëm 100 pasuri dhe në pjesën më të madhe të tyre janë automjete dhe nuk kanë lidhje fare me shifrat tuaja.

A mund të më thoni pse mungojnë në listën e OFL-së disa emra si vëllai i ish-ministrit të Brendshëm, Fatmir Xhafaj, ish-ministri i Brendshëm Saimir Tahiri. OFL është edhe për ata që janë dënuar edhe për ata që janë nën hetim.

Lleshaj: Nuk merrem me emra. Si mund të merrem me ish-ministrin e Brendshëm unë?

Lala: Është selektive zoti ministër? Mund të jeni më i qartë?

Lleshaj: Pse fakti që nuk merrem me emra do të thoë që jam selektiv?

Lala: Na sqaroni pse mungon sepse OFL-së i përfundon afati në 31 dhjetor.

Për më shumë bëhu pjesë e grupit më viral në Facebook, Dosja.al

Lleshaj: OFL ka një kategori subjektesh qartësisht të përcaktuara nga ligji. Janë persona të dënuar për 31 nene të kodit penal.

Lala: Edhe nën hetim zoti ministër sepse ju përmenda raste konkrete dhe mund ta hapim ligjin që ta konsultojmë.

Lleshaj: Janë vepra penale të caktuara. Ti mendon se unë do të shkoj të interesohem se çfarë bën policia për ish-ministrin e Brendshëm?

Lala: Po atëherë mos hajdeni fare në studio, nëse nuk keni për të thënë edhe mbaroi.  OFL nisi si një aksion i madh i trumbetuar nga ju dhe nga kryeministri…

Lleshaj: Dhe i suksesshëm shumë!

Lala: Duhet të të vijë turp që e thua këtë gjë!Duhet të skuqesh para shqiptarëve kur e thua këtë gjë.

Lleshaj: Ti je grua dhe zonjë dhe më çarmatos. Më ke zënë ngushtë se nuk të përgjigjem dot me të njëjtën gjuhë. Si thua s’ke turp?

(A.k.dosja.al)

Një Koment në “Plas DEBATI në studio/ Lala ‘shpërthen’ ndaj Lleshajt: Ske turp, si mund të gënjeni kaq hapur, Ministri: Më zure ngusht, s’ta kthej dot në të njëjtën mënyrë 

  1. Pse nuk filloj OFL me politikanet e 30 viteve te fundit ,SALI BERISHEN ,LULZIM BASHEN, ILIR METEN, MONIKEN, EDI RAMEN ,DHE TE gjith prokuroret, gjyqtaret, deputetet, ministrat ,keta jan Peshqit e medhej qe BE kerkon qe te arestohen para se te fillojne negociatat me BE dhe jo me arestimin e fshatareve.

Shto Koment