Aktualitet

Plagosja e 3-fishtë në Mamurras, kushërinjtë Fufi u zunë pritë efektivëve, gjithçka nisi pas shoqërimit në komisariat për lojërat e fatit, polici qëlloi kolegët, plumbat kapën të afërmin e ish-deputetit (4 në pranga)

  • Banorët e Mamurrasit rrëfehen pas krismave: Po blija në dyqan, u shtriva në tokë!
  • Zbardhet plagosja e trefishtë në Mamurras. Katër persona bien në pranga. Ata janë: efektivi David Madani, Nikoll Fufi, Gjon Fufi, dhe Rudolf Fufi. Sekuestrohet makina ku ndodheshin kushërinjtë Fufi. Kushërinjtë Fufi u zunë pritë policëve pasi u kontrolluan lokalin për lojërat e fatit.
    Featured image of article: Plagosja e 3-fishtë në Mamurras, kushërinjtë Fufi u zunë pritë efektivëve, gjithçka nisi pas shoqërimit në komisariat për lojërat e fatit, polici qëlloi kolegët, plumbat kapën të afërmin e ish-deputetit (4 në pranga) Foto nga Mamurrasi
    Përditësuar:

    MAMURRAS- Katër persona janë vënë në pranga për plagosjen e trefishtë që tronditi Mamurrasin një ditë më parë. Mësohet se në pranga ka përfunduar efektivi David Madani, i cili pas hetimeve nga Shërbimi për Çështjet e Brendshme dhe Ankesat ka rezultuar se ka qenë personi që ka shkrepur armën duke lënë të plagosur dy kolegët e tij, Ilir Zeka dhe Flamur Lleja, të cilët ende po marrin mjekimin e nevojshëm në Spitalin e Traumës.

    Në pranga janë vënë edhe tre të afërmit e ish-deputetit Nikoll Fufi, Gjon Fufi, dhe Rudolf Fufi, pasi akuzohen se kanë dhnuar efektivët me sende të forta, konkretisht për veprat penale “Goditje për shkak të detyrës” dhe “Kanosje për shkak të detyrës” në bashkëpunim. Nga grupi i posaçëm hetimor u sekuestruan si provë materiale 3 gëzhoja nga arma e zjarrit të punonjësit të policisë David Medani si dhe automjeti tip “Porsche Cayenne”, me të cilin udhëtonin pjesëtarët e fisit Fufi.

    Por si ndodhi e gjithë ngjarja?

    Dosja.al ka mësuar se reagimi i të afërmve të ish-deputetit Mhill Fufi, ka ardhur pas një aksioni të efektivëve të komisariatit në Kurbin.

    Për më shumë bëhu pjesë e grupit më viral në Facebook, Dosja.al

    Në orët e paradites së djeshme, tre efektivët David Madani (tashmë i arrestuar si autor), Ilir Zeka dhe Flamur Lleja (që mbetën të plagosur) shkuan në ambientet e një lokali në pronësi të L.Fufit për aktivitet të paligjshëm në fushën e lojërave të fatit. Gjatë kontrolleve, uniformat blu kanë hasur në kundëshrtimin e Nikoll Vorfi (Fufi). Pas debatit në lokal efektivët kanë shoqëruar në polici Nikoll Vorfin (Fufi).

    Disa orë më pas, i shoqëruari është lënë i lirë por fisit Fufi, nuk i ‘dilte inati’. Nikoll Vorfi së bashku me Gjon Fufin dhe Rudolf Fufin pritën që efektivët të ndërronin turnet e shërbimit dhe u zunë pritë në qendër të Mamurrasit. Të tre anëtarët e fisit Fufi goditën me mjete të forta efektivët dhe në këto kushte, një prej policëve, David Madani, në kushtet e vetëmbrojtjes ka nxjerrë armën e shërbimit dhe fillimisht ka paralajmëruar të rinjtë.

    Pasi të afërmit e ish-deputetit Nikoll Fufi nuk janë bindur, Madani ka qëlluar në ajër fillimisht dhe më pas ka kryer qitje të pakontrolluar duke plagosur Vorfin. Plumbat kanë kapur edhe dy kolegët e tij Ilir Zeka dhe Flamur Lleja. Tashmë të tre të plagosurit ndodhen ende në spital, jashtë rrezikut për jetën.

    (a.b;f.m/Dosja.al)

    • 10:45

      Plagosja e trefishtë! Kushërinjtë Fufi morën hak pas kontrollit të efektivëve për lojërat e fatit, u zunë pritë uniformave blu në qendër të Mamurrasit, të afërmit e ish-deputetit mbetën dhe pa “Porsche Cayenne”

      Plagosja e trefishtë në Mamurras që ndodhi mesditën e kaluar, e kishte zanafillën që në orët e para të mëngjesit. Dosja.al ka mësuar se reagimi i të afërmve të ish-deputetit Mhill Fufi, ka ardhur pas një aksioni të efektivëve të komisariatit në Kurbin. Në orët e paradites, tre efektivët David Madani (tashmë i arrestuar si autor), Ilir Zeka dhe Flamur Lleja (që mbetën të plagosur) shkuan në ambientet e një lokali në pronësi të L.Fufit për aktivitet të paligjshëm në fushën e lojërave të fatit. Gjatë kontrolleve, uniformat blu kanë hasur në kundëshrtimin e Nikoll Vorfi (Fufi). Pas debatit në lokal efektivët kanë shoqëruar në polici Nikoll Vorfin (Fufi).

      Disa orë më pas, i shoqëruari është lënë i lirë por fisit Fufi, nuk i ‘dilte inati’. Nikoll Vorfi së bashku me Gjon Fufin dhe Rudolf Fufin pritën që efektivët të ndërronin turnet e shërbimit dhe u zunë pritë në qendër të Mamurrasit. Të tre anëtarët e fisit Fufi goditën me mjete të forta efektivët dhe në këto kushte, një prej policëve, David Madani, në kushtet e vetëmbrojtjes ka nxjerrë armën e shërbimit dhe fillimisht ka paralajmëruar të rinjtë. Pasi të afërmit e ish-deputetit Nikoll Fufi nuk janë bindur, Madani ka qëlluar në ajër fillimisht dhe më pas ka kryer qitje të pakontrolluar duke plagosur Vorfin. Plumbat kanë kapur edhe dy kolegët e tij Ilir Zeka dhe Flamur Lleja.

    • 8:58

      SHÇBA zbardh plagosjen e 3-fishtë në Mamurras! NJOFTIMI: Efektivi David Madani u dhunua me sende të forta, Fufët refuzuan kontrollin

      Shërbimi për Çështjet e Brendshme dhe Ankesat ka dhënë detaje për ngjarjen e ndodhur një ditë më parë në Mamurras, ku mbetën të plagosur tre persona, dy prej të cilëve efektiv të policisë. Në njoftimin e bërë publik ata shkruajnë se efektivët kanë kryer kontroll në ambjentet e një lokali në pronësi të shtetasit L.F. për aktivitet të paligjshëm në fushën e lojërave të fatit. Gjatë ushtrimit të detyrës punonjësi e policisë kanë hasur në kundërshtimin e shtetasit N. V. (M.F), i cili është shoqëruar në ambientet e Stacionit të Policisë Mamurras. Pas sqarimit të situatës, personi është lënë i lirë. Më pas kur punonjësit e policisë kishin ndërrruar turnet e shërbimit, dy vëllezërit i kanë dalë përpara punonjësve të policisë me qëllim goditjen me mjete të forta. Punonjësi i policisë David Madani ka qëlluar me armë duke plagosur personat e tjerë.

      NJOFTIMI:

      SHÇBA nën drejtimin e Prokurorisë së Rrethit Gjyqësor Kurbin ka arrestuar 1 punonjës policie dhe 3 shtetas të tjerë në lidhje me ngjarjen e djeshme, ku mbetën të plagosur 3 persona. Në datë 13 prill 2021 në Qendër Mamurras, rreth orës 13:50, tre shtetas kanë goditur me sende të forta, një punonjës policie, i cili në kushtet e vetëmbrotjes ka nxjerrë armën e shërbimit dhe pasi i ka paralajmëruar ata, ka përdorur armën, në fillim duke gjuajtur në ajër dhe pastaj nga goditja me sende të forta e shtetasve, ka kryer qitje të pakontrolluar duke plagosur shtetasin N.V. dhe dy kolegët e tij, punonjësit e policisë I.Z. dhe F.LL. Të plagosurit janë jashtë rrezikut për jetën dhe ndodhen në spital për kurim të mëtejshëm.

      Ngjarja ka ndodhur pasi punonjësit e policisë të Stacionit të Policisë Mamurras, në orët e paradites, kanë kryer kontroll në ambjentet e një lokali në pronësi të shtetasit L.F. për aktivitet të paligjshëm në fushën e lojërave të fatit. Gjatë ushtrimit të detyrës punonjësi e policisë kanë hasur në kundërshtimin e shtetasit N. V. (M.F), i cili është shoqëruar në ambientet e Stacionit të Policisë Mamurras. Pas sqarimit të situatës, personi është lënë i lirë.

      Rreth orës 13:50, kur punonjësit e policisë kishin ndërrruar turnet e shërbimit, dy vëllezërit i kanë dalë përpara punonjësve të policisë me qëllim goditjen me mjete të forta. Ndodhur para këtij fakti, punonjësi i policisë D.M. ka qëlluar me armë duke plagosur personat e sipërpërmendur.

      SHÇBA nën drejtimin e Prokurorisë së Rrethit Gjyqësor Kurbin ka kryer veprimet hetimore të nevojshme dhe në 13.04.2021 u bë arrestimi në flagrancë i 3 shtetasve:

      – GJ. (G) F., 40 vjeç, lindur e banues në Mamurras;

      – N.V. (M.F.), 36 vjeç, lindur e banues në Mamurras;

      – R.S. (F), 31 vjeç, lindur e banues në Mamurras.

      Arrestimi i këtyre shtetasve u bë për veprat penale “Goditje për shkak të detyrës” dhe “Kanosje për shkak të detyrës” në bashkëpunim.

      Nga grupi i posaçëm hetimor u sekuestruan si provë materiale 3 gëzhoja nga arma e zjarrit në posedim të punonjësit të policisë D.M. si dhe automjeti tip “Porsche Cayen” me të cilin udhëtonin autorët e dyshuar të ngjarjes.

      Gjithashtu nga tërësia e veprimeve hetimore dhe pasojat e ardhura nga përdorimi i armës së zjarrit, u bë arrestimi në flagrancë i punonjësit të policisë Inspektor D. M., 45 vjeç, me detyrë trupë shërbimi pranë Stacionit të Policisë Mamurras, për veprat penale “Plagosje e rëndë në kapërcim të kufijve të mbrojtjes së nevojshme” dhe “Plagosje e rëndë nga pakujdesia”.

      SHÇBA mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të shkeljes së ligjit, duke telefonuar në numrin e gjelbër 0800 90 90.

    Shto Koment