Aktualitet

Plagosja me armë në Mamurras! Gjykata e Kurbinit liron efektivin Medani, jepet masa për të afërmit e ish-deputetit Fufi, në burg mbetet Nikoll Fufi

Në dëshminë e tij të dhënë pak ditë më parë ai ka bërë të ditur se kanë qënë 6 persona të cilët kanë zbritur nga nga dy makina dhe janë drejtuar drejt tij me sende të forta në duar.
Featured image of article: Plagosja me armë në Mamurras! Gjykata e Kurbinit liron efektivin Medani, jepet masa për të afërmit e ish-deputetit Fufi, në burg mbetet Nikoll Fufi Gjykata e Kurbinit

LEZHË– Gjykata e Kurbinit ka dhënë masën e sigurisë ‘detyrim paraqitje’ për David Medanin. Efektivi i policisë David Medani u arrestua mëngjesin e së mërkurës dhe ndaj tij janë ngritur akuza “Plagosje e rëndë në kapërcim të kufijve të mbrojtjes së nevojshme” dhe “Plagosje e rëndë nga pakujdesia”.

Gjykata e Kurbinit po ashtu ka dhënë masën e sigurisë për Gjon, Rudolf dhe Nikolla Fufin. Bëhet me dije se për Rudolfin dhe Gjonin është caktuar masa detyrim paraqitje, ndërsa i vetmi që është lënë në burg është Nikoll Fufi.

Fufit iu komunikua masa e sigurisë në spital, pasi është plagosur në këmbë nga efektivi Medani.

Por si ndodhi e gjithë ngjarja?

Për më shumë bëhu pjesë e grupit më viral në Facebook, Dosja.al

Pjestarët e fisit Fifi janë përfshirë ditë më parë në një konflikt me efektivët e policisë në Mamurras.  Reagimi i të afërmve të ish-deputetit Mhill Fufi, ka ardhur pas një aksioni të efektivëve të komisariatit në Kurbin. Në orët e paradites , tre efektivët David Madani (tashmë i arrestuar si autor), Ilir Zeka dhe Flamur Lleja (që mbetën të plagosur) shkuan në ambientet e një lokali në pronësi të L.Fufit për aktivitet të paligjshëm në fushën e lojërave të fatit. Gjatë kontrolleve, uniformat blu kanë hasur në kundëshrtimin e Nikoll Vorfi (Fufi). Pas debatit në lokal efektivët kanë shoqëruar në polici Nikoll Vorfin (Fufi).

Disa orë më pas, i shoqëruari është lënë i lirë por fisit Fufi, nuk i ‘dilte inati’. Nikoll Vorfi së bashku me Gjon Fufin dhe Rudolf Fufin pritën që efektivët të ndërronin turnet e shërbimit dhe u zunë pritë në qendër të Mamurrasit. Të tre anëtarët e fisit Fufi goditën me mjete të forta efektivët dhe në këto kushte, një prej policëve, David Madani, në kushtet e vetëmbrojtjes ka nxjerrë armën e shërbimit dhe fillimisht ka paralajmëruar të rinjtë.

Pasi të afërmit e ish-deputetit Nikoll Fufi nuk janë bindur, Madani ka qëlluar në ajër fillimisht dhe më pas ka kryer qitje të pakontrolluar duke plagosur Vorfin. Tashmë të gjithë personat janë lënë të lirë nga Gjykata e Kurbinit.

(a.b)/dosja.al

Shto Koment