Showbiz

Plagoset me armë zjarri menaxheri i VIP-ave Met Elshani

KOSOVË– Menaxheri i mjaft këngëtarëve të njohur që janë pjesë e lsbelit On-Records, Met Elshani është plagosur me armë zjarri.

Ngjarja ka ndodhur ditën e sotme rrreth orës 15:00, në Prishtinë në lagjen “Dardania”, një nga zonat më të njohura të Kosovës.

Policia Kosovare njofton se në lidhje me këtë ngjarje janë sekuestruar 3 armë zjarri dhe janë vënë në pranga 4 persona.

Bëhet fjalë për Sh. C mashkull 20 vjeç, L. K mashkull 22 vjeç, Xh. B  mashkull 43  vjeç A.K  mashkull 23  vjeç, të cilët dyshohet të kenë lidhje me ngjarjen.

Njoftimi i policisë

Sot rreth  orës 15:00, policia  ka marrë informacionin se në lagjen “Dardania”  në Prishtinë, ka pasur të shtëna me armë zjarri.

Menjëherë pas marrjes së këtij informacioni në vendin e ngjarjes kanë dalë të gjitha njësitet  e nevojshme policore për ekzaminim të vendngjarjes, të cilat kanë hasur në viktimën ( i plagosur nga arma e zjarrit) :

o        M.E, mashkull, shtetas i Republikës së Kosovës, i cili është dërguar për tretman mjekësor.

Lidhur me këtë rast policia ka arrestuar katër persona të dyshuar, si dhe ka sekuestruar tri armë zjarri (revole) .

Personat e arrestuar:

o        Sh. C mashkull , 20 vjeç, shtetas i Republikës së Kosovës,

o        L. K mashkull , 22 vjeç, shtetas i Republikës së Kosovës dhe

o        Xh. B  mashkull , 43  vjeç, shtetas i Republikës së Kosovës,

ndodhen në objektet policore ku po intervistohen, ndërkohë që i dyshuari i katërt:

o        A.K  mashkull , 23  vjeç, shtetas i Republikës së Kosovës,  ndodhet në tretman mjekësor, nën përkujdesjen e policisë.

Aktualisht hetuesit policor janë duke punuar në sqarimin e të gjitha rrethanave që lidhen me këtë rast.

F.M & A.S/ Dosja.al

Shto Koment