Sport

Pioli: “I lejuam shumë hapësira një skuadre shumë të mirë”

“Jemi një ekip i ri, por i pjekur dhe do të gjejmë një mënyrë për të reaguar. Është hera e parë që do na duhet të analizojmë më shumë gjërat negative sesa ato pozitive”
Featured image of article: Pioli: “I lejuam shumë hapësira një skuadre shumë të mirë”

MILANO – Milani ishte bërë “i frikshëm”, nuk humbiste një ndeshje zyrtare prej muajit mars. Mirëpo, mbrëmjen e djeshme, erdhi edhe disfata përballë francezëve të Lille në Europa League. Kuqezinjtë u mundën 0-3 në “San Siro”,  pas të cilit trajneri Stefano Pioli vuri pikat mbi “i”, duke gjetur edhe shkaqet që i çuan “djajtë” tek humbja.

“U përballëm me një skuadër të fortë dhe nuk është se e nisëm keq takimin. Më pas ia vështirësuam gjërat vetes. Prisja që të ishim më të rrezikshëm, por ata ishin shumë të shpejtë dhe të fortë fizikisht. Shënuan të parët dhe më pas përfituan nga hapësirat që lamë pas.

Duhet të nxjerrim mësime nga kjo ndeshje. Jemi një ekip i ri, por i pjekur dhe do të gjejmë një mënyrë për të reaguar. Është hera e parë që do na duhet të analizojmë më shumë gjërat negative sesa ato pozitive. I lejuam shumë hapësira një skuadre shumë të mirë.

Për më shumë bëhu pjesë e grupit më viral në Facebook, Dosja.al

Ndihem mirë te Milani, ambienti është i shkëlqyer dhe drejtuesit na qëndrojnë shumë afër. Këtu janë kushtet ideale për të bërë sa më mirë punën tone”, ka përfunduar analizën e tij trajneri i Pioli i Milanit, që aktualisht kryeson edhe Seria A.

B.T (Dosja.al)

Shto Koment