Aktualitet

Pezullimi i rektorit Koni, pedagogia Kuçana letër Metës: Firmose shkarkimin e tij, do mbahet mend si më i dështuari

Pedagogia Ilirjana Kuçana i ka kërkuar presidentit Ilir Meta që të firmosë shkarkimin e rektorit Mynyr Koni.
Featured image of article: Pezullimi i rektorit Koni, pedagogia Kuçana letër Metës: Firmose shkarkimin e tij, do mbahet mend si më i dështuari Ilirjana Kuçana dhe Ilir Meta

TIRANË– Pedagogia Ilirjana Kuçana në një letër drejtuar presidentit të Republikës, Ilir Meta i ka kërkuar që të firmosë shkarkimin e rektorit Mynyr Koni.

Në letrën e saj, Kuçana shkruan se një vendim i tillë duhet të ishte marrë më parë duke listuar edhe shkeljet dhe dështimet e Konit si rektor.

Gjithashtu pedagogia Kuçana ka mbështetur emërimin e ri të Benard Dostit duke e cilësuar atë si njeriun e duhur që mund të çojë para reformën arsimore në shërbim të arsimit.

“Nëse sot artikulohet shkarkimi i Rektorit të UT, z.M.Koni, kjo është një ngjarje që duhej të kishte ndodhur me kohë. Z.Benard Dosti është njeriu i duhur që mund të cojë reformën arsimore në shërbim të arsimit, e jo të personit apo grup personash.”

Më tej, Kuçana nuk ka lënë pa përmendur as dy palët politike. Sipas saj, trinomi Rama- Nikolla-Koni degraduan arsimin, ndërsa opozita mori në mbrojtje një rektor dështimet të cilit dolën në pah gjatë protestës së studentëve.

LETRA E PLOTË
Letër publike drejtuar Presidentit të Republikës së Shqipërisë, Z.Ilir Meta:
Firmos shkarkimin e rektorit të Tiranës z.Mynyr Koni,

Për më shumë bëhu pjesë e grupit më viral në Facebook, Dosja.al

I nderuar Z. President,

Nëse sot artikulohet shkarkimi i Rektorit të UT, z.M.Koni, kjo është një ngjarje që duhej të kishte ndodhur me kohë. Nëse studentët protestuan gjatë në Shqipëri për çështje themelore të arsimit Universitar, sigurisht që në gjithë lëvizjen jo-politike të studentëve, u artikuluan kërkesat e tyre të cilat ishin një shuplakë për Qeverinë Shqiptare dhe po ashtu një alarm për nivelin e lartë të korrupsionit në sistemin Universitar në Shqipëri.
Tepër vonë, Ministria e Arsimit dhe Sporteve ka kërkuar shkarkimin e Rektorit, Mynyr Koni.
Në këtë rast një veprim edhe pse duhet të kishte ndodhur prej kohësh. Për arsyet e renditura më poshte si pedagoge jashtë politikës të merrni vendimin e duhur:
1- Theksoj në mbështetje të pikës 4 të nenit 102 të Kushtetutës së Republikës së Shqipërisë gërmën “e” të pikës 2 te nenit 7, dhe pikën 10 të nenit 39 të ligjit nr.80/2015 “Për Arsimin e Lartë dhe Kërkimin Shkencor në Institucionet e Arsimit të Lartë në Republikën e Shqipërisë”.
2- Shkeljet ne projektet europiane. Shpërdorim i fondeve te BE per arsimin duke i vene ne sherbim te stafit rektoratit dhe trupes akademike.
3- Do mbahet mend si rektori më i dështuar në ceshtjet nderkombetare dhe ato kombëtare për çështjet e arsimit, dhe si individi që nuk mban asnjë përgjegjësi ligjore.
4- Ka krijuar konflikte institucionale duke u bërë palë me Lindita Nikollën, për nxjerrjen e akteve nënligjore pasi është i vetmi rektor që kërkon kompetenca qe nuk i’a jep ligji.
5- Rektori merret me pjesën akademike, jo financiare dhe kete e parashikon ligji.

Partitë politike shqiptare kanë përgjegjësinë e tyre për gjithë ndërhyrjet politike në Institucionet Universitare Publike të vendit.
Tashmë partitë politike shqiptare duhet të qëndrojnë larg Institucioneve të Arsimit Universitar në Shqipëri.
Opozita nuk ka pse të ndërhyjë apo të marrë në mbrojtje një rektor, kushdo qoftë ai për t’a ofruar si kauzën e saj, sepse në rastin konkret Rektori ka përgjegjësi për ushtrimin e detyrës së tij, ku studentët treguan dështimet e sistemit universitar në Shqipëri.
Sigurisht që përgjegjësia është institucionale dhe po ashtu individuale.
Në rastin konkret, klasa politike duhet të heshtë dhe të krijojë politika për zhvillimin e sistemit universitar në Shqipëri.
Në këtë rast është koha për të garantuar pavarësinë e Institucioneve të Arsimit Universitar, po ashtu edhe në rang të drejtuesve të lartë.
Politika të qëndrojë larg çështjeve të rëndësishme të Arsimit në përgjithësi, dhe njëkohësisht të marrë përsipër përgjegjësinë për dëmin që i ka shkaktuar taksapaguesve shqiptarë.
Z.Benard Dosti është njeriu i duhur që mund të cojë reformën arsimore në shërbim të arsimit, e jo të personit apo grup personash.
Trinomi Rama- Nikolla-Koni degraduan arsimin në këto nivele që kurrë nuk ka qenë më parë.Rama nuk mund te i’u hedhë hi syve njerëzve, duke u perpjekur ta shesë si sukses të tijin, pasi është Kryeministri i vetëm qe ka njohur historia qe fyen pedagogët ne cdo dalje te tijën duke na quajtur “sharlatan”apo “shalqin” dhe kjo eshte e papranueshme nga ana jone pasi nje Kryeminister duhet te tregoje respekt per misionin tone. Dua ti them z.Rama se nëse do arsimin dyfisho buxhetin për arsimin dhe anullo kapitullin 12 menjëherë.Por kjo nuk do ndodhi pasi vetë Rama bëri ligjin klientelist duke u vënë në shërbim të privatit dhe duke dashur të shkatërrojë arsimin publik.Lindita Nikolla duhej të mbante përgjegjësitë për situatën që solli në Universitetin Publik, por mesa duket i’a hodhi se shefi i saj Rama e mori në mbrojtje dhe e shiti si sukses vendimin e Shahinit, vendim ky që duhej të ishte marrë me kohe.
Kryeministri nuk mund te tallet më me nje çështje delikate si arsimi.
Për të gjitha këto arsye firma juaj duhet të jetë pro universitetit.
Unë besoj ne modelin qe keni treguar si President që firma juaj te jetë pro universitetit.

Me respekt,
Ilirjana Kucana
Petagoge

Dosti u emërua ditën e sotme si rektor i Komanduar i UT. Burime për Dosja.al bëjnë me dije se Dosti, aktualisht zëvendësrektor në Universitetin e Tiranës dhe do të mbajë këtë pozicion deri në përfundim të çështjes dhe dhënies së vendimit të formës së prerë. Emërimi i tij vjen pas pezullimit të Mynyr Konit më 13 prill me arsyetimin se ai kishte abuzuar me detyrën duke mos reflektuar me ndryshimet për Paktin për Universitetin.

(k.m./dosja.al)

Shto Koment