Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Politike
Pezullimi i Artan Shkëmbit pas “spiunazhit”, PD: OFL ishte iluzion, pushtetin në vend e ka krimi
28 Shtator 2020, 15:41Nga DOSJA
TIRANË– Ish-deputeti i Partisë Demokratike, Enkelejd Alibeaj ka dalë një konferencë për shtyp pas pezullimit nga detyra të kreut të OFL-së, Artan Shkëmbit. Në fjalën e tij, demokrati u shpreh se gjithë pushteti është përqëndruar në dorën e krimit. Më tej ai shtoi se vetëm pak javë më parë, kreu i Operacionit Forca e Ligjit kaloi procesin e Vettingut, duke e thelluar sipas tij skandalin e zbuluar nga autoritetet gjermane.
“Operacioni Forca e Ligjit, prej krijimit të tij, ka qenë një iluzion. Me drejtimin e qeverisë nga Edi Rama, forcën dhe pushtetin e ka krimi. Çdo gjë tjetër është fasadë. Krimi emëron drejtorët e policisë, krimi merr tenderat, krimi bashkëqeveris. Rasti i bashkëpunimit të kreut të OFL-së me krimin e organizuar tregon falsitetin e procesit të vetingut në polici dhe gjendjen e depërtimit të krimit në kupolën e Policisë së Shtetit,”-u shpreh Alibeaj.
DEKLARATË E PARTISË DEMOKRATIKE, ENKELEJD ALIBEAJ
Operacioni Forca e Ligjit, prej krijimit të tij, ka qenë një iluzion. Me drejtimin e qeverisë nga Edi Rama, forcën dhe pushtetin e ka krimi. Çdo gjë tjetër është fasadë. Krimi emëron drejtorët e policisë, krimi merr tenderat, krimi bashkëqeveris. Rasti i bashkëpunimit të kreut të OFL-së me krimin e organizuar tregon falsitetin e procesit të vetingut në polici dhe gjendjen e depërtimit të krimit në kupolën e Policisë së Shtetit.
Pak javë më parë, kreu i OFL-së e kaloi me sukses vetingun, duke dëshmuar se Ministria e Brendshme, shërbimi informativ dhe strukturat e tjera, në të vërtetë, nuk funksionojnë. Ato janë fasada e pushtetit që, nga një anë, bën show me të ashtuquajturën luftë kundër krimit, nga ana tjetër paguhet nga krimi.
Institucionet e vërteta, që nuk janë në shërbim të partisë shtet, por kanë të parin interesin publik, nuk do të kishin pritur partnerët, por do të kishin zbuluar se kreu i strukturës më të rëndësishme të policisë, është i blerë nga krimi i organizuar.
Nën thundrën e krimit, policia ka dështuar gjithmonë të vendosë ligjin mbi interesin e pushtetit. Edhe për laboratorin e parë të kokainës në Shqipëri, pala shqiptare u njoftua nga partnerët e huaj dhe e dekonspiroi operacionin për të shpëtuar Olsi Ramën dhe mikun e tij, që drejtonte trafikun, Genci Xhixho.
Rasti i bashkëpunimit të kreut të OFL-së me krimin, nuk është rast i izoluar.
5 vjet më parë, nën presionin e opozitës, u zbulua se Policia mbante fshehur urdhrin e arrestit ndërkombëtar për deputetin e Edi Ramës, Mark Frroku.
Në të vërtetë, kreu i OFL-së nuk ka bërë as më pak, as më shumë, sesa ka bërë kryeministri i vendit.
Pak ditë më parë ne denoncuam takimin e Edi Ramës me disa nga figurat e botës së krimit në Durrës për t’u siguruar paprekshmëri në këmbim të përfshirjes së tyre në fushatën elektorale të Partisë Socialiste.
Edi Rama vazhdon të heshtë dhe të mbrojë me heshtje çdo kriminel që i shërben pushtetit të tij. Këtë ka bërë prej 7 vjetësh në drejtimin e vendit. Operacionet e OFL-së kanë përfundime qesharake. Zhurma e madhe politike dhe mediatike është reduktuar në disa makina të sekuestruara ose ndonjë pasuri jodomethënëse. Edi Ramës i ka dalë situata jashtë kontrollit, sepse edhe ai e di shumë mirë se ditët e tij në krye të vendit janë të numëruara.
Bashkëqeverisjes së tij me krimin i është vënë viza. Më 25 prill qytetarët do të tregojnë me votë vullnetin e tyre për t’u ndarë njëherë e mirë nga qeveria e krimit.
Ditën e sotme, Dosja.al zbuloi se Gjykata kundër Korrupsionit dhe Krimit të Organizuar, pasi është njohur me kërkesën e SPAK, (Prokuroria e Posaçme), ka kërkuar nga numri një i Policisë së Shtetit, pezullimin e Shkëmbit.
Ishin autoritetet gjermane informuan SPAK se një oficer i lartë i policisë shqiptare kishte nxjerrë sekretin. Policia gjermane kishte nisur një hetim pasuror për një shtetas shqiptar të përfshirë në aktivitete të paligjshme në Gjermani dhe gjatë hetimit kanë mësuar dhe kanë ngritur dyshime ndaj numrit dy të OFL në Shqipëri se ai kishte informuar subjektin nën hetim nga Gjermania. Hetimi vijon, ndërkohë që nuk bëhet me dije se cili është subjekti i informuar.
(k.m/dosj.al)
1 vit nga zgjedhjet e 25 prillit si e shikoni gjendjen e vendit:
TIRANË– Analisti Andi Bejtja ka komentuar fjalën e ambasadores së SHBA-ve nga Himara e cila tha se mbajtja dhe ruajtja e marrëveshjes së 5-qershorit është ...
HIMARË– Ambasadorja e Shteteve të Bashkuara në Shqipëri, Yuri Kim ka komentuar nga Himara draftin e dorëzuar nga Opozita e Bashkuar. Ajo u shpreh e lumtur ...
TIRANË– Ish-deputeti i Partisë Demokratike, Oerd Bylykbashi i ftuar në rubrikën “Opinion” në studion e lajmeve në News 24 sqaroi propozimin që opozit...
TIRANË- Ministri për Sipërmarrjen, Eduard Shalsi ka komentuar deklaratën e kryeministrit Edi Rama në mbledhjen e shtabit elektoral, ku ka kërkuar më shumë ...
TIRANË– Deputetja e opozitës së re, Rudina Hajdari kërkon mbledhjen e Këshillit Politik nesër në orën 12:00. Duke marrë parasysh faktin që palët i ka...
TIRANË– Kreu i Komisionit të Ligjeve Ulsi Manja është përplasur me deputetin e opozitës Korab Lita, i cili duket se nuk e ka pasur mendjen se çfarë ...
TIRANË- Presidenti Ilir Meta ka mbështetur draftin e opozitës së Bashkuar për Kodin Zgjedhor. Nëpërmjet një postimi në Facebook presidenti shprehet se draf...
TIRANË– Deputeti Myslim Murrizi ka premtuar se nuk do ta përmendë më kurrë emrin e socialistit Damian Gjiknuri. Në fjalën e tij në Komisionin e Ligjeve, Mu...
TIRANË– Deputeti Myslim Murrizi paralajmëron se do ta çojë në Gjykatën Kushtetuese Kodin Zgjedhor. Në fjalën e tij në mbledhjen e Komisionit të Ligj...
TIRANË– Komisioni i Ligjeve ka miratuar në parim ndryshimet në Kodin Zgjedhor, duke propozuar që nismat e Myslim Murrizit dhe Partisë Socialiste.Sipas kreu...