Politike

“Përshkallëzohet lufta”, Rama për aksionin anti-informalitet: Fokusi tek bizneset në bregdet

Rama që ka bërë me dije se disa hotele që kishin përsëritur shkeljet janë bllokuar dhe shton se do të vijojnë kontrollet dhe në subjekte të tjerë.
Featured image of article: “Përshkallëzohet lufta”, Rama për aksionin anti-informalitet: Fokusi tek bizneset në bregdet Fotot e publikuara nga Edi Rama

SARANDË- Tatimet vijojnë kontrollin në terren, ku sot janë bllokuar disa hotele në Sarandë. Është Kryeminsitri Edi Rama që ka bërë me dije se disa hotele që kishin përsëritur shkeljet janë bllokuar dhe shton se do të vijojnë kontrollet dhe në subjekte të tjerë.

Më tej numri një i qeverisë bën me dijse se tashmë fokusi i kontrolleve ësthë në zonën bregdetare, në sektorin e naftës dhe mallrat e tjera të akcizës.

“Përshkallëzohet goditja ndaj informalitetit në zonën e Sarandës, ku një numër i konsiderueshëm subjektesh janë regjistruar, duke paguar detyrimet përkatëse ndaj shtetit dhe një numëri jo të vogël abuzuesish përsëritës, u është bllokuar aktiviteti🤚 Kontrollet vijojnë intensivisht me fokus mbi zonën bregdetare, sektorin e naftës dhe mallrat e tjera të akcizës me #ZeroTolerancë🤜ndaj abuzuesve👊”, shkruan Rama.

Javët e fundit po zhvillohen aksione lidhur me informalitetin në vend. Në kryeqytet dhe jo vetëm janë mbyllur shumë biznese, mes tyre janë goditur edhe “gjigandë” si Rogner dhe Taiwani. Po ashtu u mbyll dhe Havana, por pas vendimit të gjykatës bizneset vijojnë të jenë të hapura dhe kanë paguar vetëm gjobën.

(A.B. Dosja.al)

Shto Koment