Politike

Propozimi i Bashës për ‘Parlament me 2 dhoma’, përplas PD-në me PS-në. Bardhi replikon me Gjiknurin për Reformën Zgjedhore

Basha është shprehur se Shqipëria ka nevojë për një ndryshim radikal të sistemit zgjedhor dhe propozoi që Parlamenti të ishte me 2 dhoma. Për kreun e opozitës Senati duhet të ketë 40 anëtarë dhe dhoma tjetër me 100 anëtarë, ku do kontrollojnë njëra-tjetrën.
Featured image of article: Propozimi i Bashës për ‘Parlament me 2 dhoma’, përplas PD-në me PS-në. Bardhi replikon me Gjiknurin për Reformën Zgjedhore Lulzim Basha, Damian Gjiknuri Gazmend Bardhi dhe kuti votimi

TIRANË- Kreu i Partisë Demokratike, Lulzim Basha, gjatë një takimi të zhvilluar gjatë ditës së sotme ka dalë me disa propozime të reja për Reformën Zgjedhore. Në takimin me të rinjtë, Basha është shprehur se Shqipëria ka nevojë për një ndryshim radikal të sistemit zgjedhor dhe propozoi që Parlamenti të ishte me 2 dhoma. Për kreun e opozitës Senati duhet të ketë 40 anëtarë dhe dhoma tjetër me 100 anëtarë, ku do kontrollojnë njëra-tjetrën.

Por me këto propozime nuk ka qenë dakord, Damian Gjiknuri, i cili në një reagim në Facebook është shprehur se qëndrimet e PD-së janë të ndryshme nga ato që Basha ka bërë publike sot. Bashkëkryetari i Komisionit të Reformës Zgjedhore, shkruan se propozimi i kreut të PD për parlamentin me 2 dhoma është bërë që në 1998 dhe nuk janë pranuar. “Mbetemi në pritje të propozimeve zyrtare të Partisë Demokratike mbi administratën zgjedhore dhe sistemin zgjedhor, për të cilin sikurse është rënë dakord, duke qenë se prek dhe Kushtetutën mund të kërkojë më shumë kohë edhe përtej 15 Marsit”, u shpreh deputeti i PS.

Nga ana tjetër si një përgjigje për Gjiknurin ka ardhur një reagim nga Gazment Bardhi, i cili shkruan në Facebook, se maxhoranca shqetësohet se opozita kërkon forcimin e demokracisë dhe dënimin e atyre që shesin e blejnë votën. “Edi Rama, Damian Gjiknuri dhe Rilindja, janë të VETMIT që nuk duan Reformë të vërtetë Zgjedhore. Ato janë të qartë se me zgjedhje të lira dhe të ndershme, të pandikuara nga “çunat problematikë” apo paratë e krimit dhe korrupsionit, sot do të ishin prapa hekurave dhe jo në qeverisje apo tryeza”, shton më tej Sekretari i Përgjithshëm i PD.

Nga ana tjetër Këshilli Politik, ku merr pjesë maxhoranca, opozita dhe opozita jashtëparlamentare, po vijon punën për dakordësimin e draftit të Reformës Zgjedhore dhe mbledhja e radhës do zhvillohet të hënën në orën 10:00. Palët deri tani kanë arritur që të dakordësoshen në parim në disa pika dhe mbeten vetëm teknikalitetet për tu diskutuar.

Për më shumë bëhu pjesë e grupit më viral në Facebook, Dosja.al

TRYEZA E ZGJEDHORES

Më 14 janar opozita dhe maxhoranca arritën në një konsensus për Reformën Zgjedhore. Palët kanë rënë dakord që reforma të bëhet me konsensus dhe të ‘nxirret’ nga Kuvendi, për të marrë pjesë dhe opozita jashtëparlamentare. Tryeza e parë e palëve për Reformën Zgjedhore themeloi dhe Këshillin Politik, që përbëhet nga Damian Gjiknuri, Rudina Hajdari, Oerd Bylykbashi dhe Petrit Vasili. 4 anëtarët e Këshillit Politik janë mbledhur disa herë, ku kanë miratuar dhe një kalendar për punën e tyre që do zgjasë deri më 15 mars, ditë kur duhet votuar dhe Reforma Zgjedhore. Këshilli Politik, bashkë me ekspertët brenda dhe jashtë partive si dhe me ndihmën e OSBE-ODIHR do të diskutojnë dhe do gjejnë zgjidhje për 13 tema, përfshirë këtu edhe dekriminalizimin dhe burimet e financimit e partive si dhe identifikimin, votimin dhe numërimin elektronik.

(A.B. Dosja.al)

  • 16:42

    Bardhi i përgjigjet Gjiknurit: Shqetësohesh se ne kërkojmë të forcojmë demokracinë

    Sekretari i Përgjithshëm të Partisë Demokratike, Gazment Bardhi, ka reaguar pas deklaratës së Damian Gjiknurit, i cili u shrpeh se sot se Lulzim Basha është i ndryshëm në tryezë dhe i ndryshëm në selinë e PD.  Në një reagim në Facebook, Bardhi shkruan se Gjiknuri ka të drejtë që të shtetësohet se Basha e opozita kërkojnë forcimin e demokracisë në vend dhe sundimin e ligjit. Më tej numri dy i PD shprehet se maxhoranca ka ndërtuar shtetin privat, që dhunon qytetarët dhe pasuron e mbështet “çunat problematikë”.

    Edi Rama, Damian Gjiknuri dhe Rilindja, janë të VETMIT që nuk duan Reformë të vërtetë Zgjedhore. Ato janë të qartë se me zgjedhje të lira dhe të ndershme, të pandikuara nga “çunat problematikë” apo paratë e krimit dhe korrupsionit, sot do të ishin prapa hekurave dhe jo në qeverisje apo tryeza“, shton më tej Sekretari i Përgjithshëm i PD.

    Gazment Bardhi, Sekretari i Përgjithshëm i PD

    POSTIMI I PLOTË

    Edi Rama dhe Damian Gjiknuri kanë të drejtë që shqetësohen pse Lulzim Basha dhe opozita luftojnë për forcimin e demokracisë në vend, sundimin e ligjit dhe zgjedhjet e lira dhe të ndershme. Ata janë krejt e kundërta e kësaj. Ata kanë ndërtuar shtetin privat, që dhunon qytetarët dhe pasuron e mbështet “çunat problematikë”. Vizioni dhe alternativa jonë është për shqiptarët dhe jo për Edi Ramën, Damian Gjiknurin dhe, aq më pak, për “çunat e tyre problematikë”! Për këta kemi një tjetër alternativë: Zotimin se kushdo do të mbajë përgjegjësi për çdo krim shtetëror apo elektoral që kanë kryer në të shkuarën.

    Edi Rama, Damian Gjiknuri dhe Rilindja, janë të VETMIT që nuk duan Reformë të vërtetë Zgjedhore. Ato janë të qartë se me zgjedhje të lira dhe të ndershme, të pandikuara nga “çunat problematikë” apo paratë e krimit dhe korrupsionit, sot do të ishin prapa hekurave dhe jo në qeverisje apo tryeza. Ne do ta shëmbim modelin e shtetit privat të Edi Ramës dhe do të ndërtojmë një sistem që punon për njerëzit dhe i jep pushtet njerëzve. Partia Demokratike dhe Opozita e Bashkuar ka qenë dhe do të jetë në mbështetje të përmbylljes së Reformës Zgjedhore në afatin e përcaktuar. Për këtë kemi bërë propozime konkrete dhe do të vazhdojmë të bëjmë propozime konkrete, që garantojnë standardet për zgjedhje të lira e të ndershme, përfshirë edhe në takimin e rradhës së ditës së hënë.

  • 15:51

    Gjiknuri: Nuk njeh as propozimet e partisë së tij në Këshillin Politik

    Bashkëkryetari i Komisionit të Reformës Zgjedhore, Damian Gjiknuri ka reaguar pas propozimeve të reja të bëra nga Lulzim Basha në një takim me të rinj dhe intelektualë. Në një reagim në Facebook, Gjiknuri që është dhe pjesë e Këshillit Politik që po harton Reformën Zgjedhore, është shprehur se kemi një Bashë në tryezë dhe një Bashë tjetër në selinë e PD. 

    Deputeti i PS më tej shton se deklarimet publike të kryetarit të PD bien në kundërshtim me vetë frymën konsensuale me të cilën ka ecur puna e deritanishme e tryezës politike të reformës. “Mbetemi në pritje të propozimeve zyrtare të Partisë Demokratike mbi administratën zgjedhore dhe sistemin zgjedhor, për të cilin sikurse është rënë dakord, duke qenë se prek dhe Kushtetutën mund të kërkojë më shumë kohë edhe përtej 15 Marsit“, shprehet ndër të tjera Gjiknuri. 

    Lulzim Basha dhe Damian Gjiknuri

    POSTIMI I PLOTË

    Një Bashë në tryezë, një tjetër Bashë në selinë e PD. Në ditën kur të gjithë prisnin që opozita jashtëparlamentare të paraqitej në tryezën e reformës zgjedhore për të dorëzuar propozimet e saja për çështjen e administratës dhe sistemit zgjedhor, Partia Demokratike vendosi ta shtyjë mbledhjen. Deklarimet publike të kryetarit të PD bien në kundërshtim me vet frymën konsensuale me të cilën ka ecur puna e deritanishme e tryezës politike të reformës. Vizionin e tij për shtetin, Lulzim Basha mund ta deklarojë në fushata zgjedhore por kjo nuk ka lidhje me Kodin Zgjedhor. Sa për kujtesë, çështja se sa dhoma duhet të ketë Kuvendi i Shqipërisë është trajtuar gjërësisht në reformën kushtetuese të vitit 1998. Fatkeqësisht, me deklarimet e sotme, Basha ka vendosur që të mos njohë as propozimet zyrtare të dorëzuara deri më tani nga partia e tij në këtë tryezë dhe as dakordësitë e arritura mes palëve. Rikujtoj se deri më tani, palët kanë arritur konsensus si për rolin e Policisë së Shtetit, Prokurorisë, hetimin nga SPAK të veprave penale të korrupsionit zgjedhor, sanksionimin dhe mbrojtjen e raportuesve të shkeljeve zgjedhore, financimin miks të fushatave zgjedhore, identifikimin elektronik të zgjedhësve në qendra votimi ose fillimin e zbatimit me projekte pilot të votimit elektronik etj.

    Duke mos dashur të besoj se meraku i vetëm i Partisë Demokratike është sabotimi dhe dështimi i tryezës së reformës zgjedhore përpara datës 15 Mars, rikujtoj se mbledhja e rradhës së tryezës politike është ditën e Hënë, ora 10:00. Mbetemi në pritje të propozimeve zyrtare të Partisë Demokratike mbi administratën zgjedhore dhe sistemin zgjedhor, për të cilin sikurse është rënë dakord, duke qenë se prek dhe Kushtetutën mund të kërkojë më shumë kohë edhe përtej 15 Marsit. Riktheksoj se mazhoranca ka vullnetin dhe detyrimin për ta përmbyllur sa më parë reformën zgjedhore duke adresuar plotësisht rekomandimet e OSBE/ODIHR. Në tryezën politike të reformës zgjedhore diskutohen VETEM çështje që kanë të bëjnë me Kodin Zgjedhor. ASNJE çështje tjetër që shkon përtej kësaj nuk është objekt diskutimi në këtë tryezë!

  • 14:28

    Basha tregon propozimet e reja për sistemin zgjedhor: Parlamenti me 2 dhoma, Senat me 40 anëtarë

    Kryetari i Partisë Demokratike, Lulzim Basha, në një takim të sotëm është shprehur se Shqipëria ka nevojë për një ndryshim radikal të sistemtit zgjedhor dhe se Shqipërisë i nevojitet një parlament me dy dhoma, sipas modelit amerikan apo atij anglez, të cilat të kontrollojnë njëra-tjetrën.

    Përballë të rinjve dhe intelektualve, Basha është shprehur se sistemi zgjedhor të garantojë kontrollin dhe balancimin e pushteteve, në mënyrë që pushteti të mos përqendrohet në një dorë. Sot kreu i PD kërkon ngritjen e një Senati për llogaridhënien e qeverisë, ku 40 anëtarët e Senatit zgjidhen bashkë me 100 anëtarët e Parlamentit. “Parlamenti me dy dhoma nuk rrit koston për qytetarët, por ndryshon mundësinë për t’u shërbyer njerëzve në mënyrë pozitive“, është ky propozimi i shefit të opozitës.

    PROPOZIMET E BASHËS

    Zgjedhjet në Shqipëri janë prishur. Vota jonë nuk ka vlerë për shkak të paracaktimit të rezultatit. Është koha të ndryshojmë rregullat.

    Ndryshimi i parë, kontroll të plotë kushtetues dhe ligjor mbi kandidatët, që të jenë të pastër dhe me integritet. Kontrolli të bëhet nga një organizëm i pavarur.

    Ndryshimi i dytë, tolerancë zero për ata që përfshihen në shitblerjen e votës. Edi Rama i ka mbrojtur dhe promovuar, ne do t’i çojmë në burg.

    Ndryshimi i tretë, financimi i partive, që ato të mos varen nga biznese dhe individë të pasur. Politikanët të varen nga njerëzit dhe të kontrollohen prej tyre.

    Kush financon partitë, përjashtohet nga marrja e tenderave publikë pas zgjedhjeve, që të mos përfitojnë për shkak të donacioneve për partitë.

    Ndryshimi i katërt, identifikim, votim dhe numërim elektronik. Do t’i bëjë zgjedhjet më të ndershme dhe rezultatin më të shpejtë.

    Ndryshimi i pestë, sistemi. Ne duam një sistem të thjeshtë, të qartë, përfaqësues. Një sistem, që i kërkon llogari qeverisë.

    Basha për sistemin zgjedhor: Vendimi për sistemin duhet t’u takojë të gjithë qytetarëve, jo vetëm partive politike.

    Sistemi zgjedhor të garantojë kontrollin dhe balancimin e pushteteve, në mënyrë që pushteti të mos përqendrohet në një dorë.

    Basha propozon ngritjen e një Senati për llogaridhënien e qeverisë. 40 anëtarët e Senatit zgjidhen bashkë më 100 anëtarët e Parlamentit.

    Parlamenti me dy dhoma nuk rrit koston për qytetarët, por ndryshon mundësinë për t’u shërbyer njerëzve në mënyrë pozitive.

    Arroganca dhe presioni i qeverisë nuk do të funksionojnë më për një parlament të fuqizuar me dy dhoma. Qeveria duhet të kërkojë konsensus me të dy dhomat.

    Basha sjell shembujt e vendeve më të zhvilluara me Senat: SHBA, Mbretëria e Bashkuar, Franca dhe Italia vende me parlament me dy dhoma.

    Derisa Shqipëria të bëhet anëtare e BE, 100 ditë para zgjedhjeve shqiptarët të kenë një qeveri kujdestare për të menaxhuar procesin, për të garantuar zbatimin e ligjeve dhe votën e lirë.

    Basha i vendosur për reformën zgjedhore. Shitblerja e votës shuan zërin e qytetarëve dhe i jep kontrollin një grushti politikanësh, biznesmenësh dhe kriminelësh të fuqishëm.

    Reforma zgjedhore është hapi i parë për t’i dhënë fund korrupsionit, për një ekonomi më të fortë dhe anëtarësim në BE.

    Mënyra e zhvillimit dhe rezultati i zgjedhjeve ndikon direkt në jetën tonë. Me një rezultat të ndershëm përfitojnë të gjithë shqiptarët.

Shto Koment