Aktualitet

Përdorimi i gjuhës greke në jug, zv. ministrja e Turizmit thirrje qytetarëve: Mos e pranoni shërbimin nëse s’ju ofrohet në shqip

Çuçi u shpreh se përdorimi i gjuhës greke nuk është një politikë qeveritare, por politikë e shitësit ose atij që ofron shërbimin.
Featured image of article: Përdorimi i gjuhës greke në jug, zv. ministrja e Turizmit thirrje qytetarëve: Mos e pranoni shërbimin nëse s’ju ofrohet në shqip Ornela Çuçi, zv. ministre e Turizmit

HIMARË- Zëvendës minsitrja e Mjedisit dhe Turizmit, Ornela Çuçi, ka folur sot për një temë e cila gjithmonë është dëbatuar, përdorimi i gjuhës greke në disa fshatra në Jug të Shqipërisë.

Në një intervistë në Ora News, Çuçi u shpreh se përdorimi i gjuhës greke nuk është një politikë qeveritare, por politikë e shitësit ose atij që ofron shërbimin. Më tej ajo u ka bërë dhe një thirrje të pazakontë qytetarëve, duke thënë se nëse nuk ofrohet shërbimi në shqip të mos merret.

Për më shumë bëhu pjesë e grupit më viral në Facebook, Dosja.al

Unë nuk e kam hasur ndonjëherë, por do ta jap një eksperiencë timen personale. Në Strasburg, nëse ti futesh në një dyan edhe pse është një nga qendra e Europës, ka qendra tregtare ku nuk shërbehesh po nuk dite frëngjisht. Nuk është politikë qeveritare, por politikë e dyqanxhit, e shitësit të dyqanit dhe e tregtisë. Është politikë e personit që e ofron këtë shërbim, ose nuk di shqip. Nëse ky shërbim nuk të ofrohet në shqip, mos e merr shërbimin në greqisht”, tha zv. ministrja Çuçi.

(A.B. Dosja.al)

Shto Koment