Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Aktualitet
“Për fëmijët e tu do shkoje në fund të botës”, Hazizaj letër të hapur Ramës: Kthe shqiptarët nga Siria
21 Tetor 2019, 20:25Nga DOSJA
TIRANË– Drejtori Ekzekutivi i Qendrës për Mbrojtjen e të Drejtave të Fëmijëve (CRCA), Altin Hazizaj i ka kërkuar publikisht kryeministrit Edi Rama që të ktheje në Shqipëri të gjithë shqiptarët që ndodhen në Siri.
Në një letër të hapur, Hazizaj shkruan se asnjë fëmijë nuk ka lindur për të luftuar dhe se ata fëmijë ndodhen në Siri kundër dëshirës së tyre.
Hazizaj shton më tej se Rama si kryeministër dhe si baba i dy fëmijëve do shkonte deri në fund të botës për t’i gjetur ata.
Bazuar në mediatizimin që mori historia e Alvin Berishës, vogëlushit shqiptar që ndodhet në Siri, drejtori Ekzekutivi i Qendrës për Mbrojtjen e të Drejtave të Fëmijëve, kërkoi që të angazhohet krejtësisht qeveria për të riatdhesuar të gjithë shtetasit e tyre në Shqipëri.
Letra e plotë
Kryeministër, ktheni fëmijët tanë në Shqipëri!
Drejtuar: z. Edi Rama
Kryeministër i Shqipërisë
I nderuar Z. Rama,
Ju drejtohem me këtë letër të hapur publike, për të kërkuar kthimin urgjent të të gjithë fëmijëve shqiptarë që ndodhen dhe vuajnë në kampet famëkeqe në Siri, në Shqipëri. Sipas informacioneve të pakonfirmuara, janë rreth 50 fëmijë dhe të mitur shqiptarë që ndodhen prej vitesh ose kanë lindur në kampet famëkeqe të ISIS dhe që jashtë dëshirës së tyre janë bërë pjesë e konfliktit të armatosur në Siri.
Asnjë fëmijë nuk ka lindur për të luftuar! Asnjë fëmijë nuk është përgjegjës për krimet e prindërve të tij!
I nderuar Z. Kryeministër,
Po ju drejtohem me këtë letër të hapur për të shprehur shqetësimin e Qendra për Mbrojtjen e të Drejtave të Fëmijëve (CRCA), organizata më e vjetër e të drejtave të fëmijëve në vend, por edhe atë personal, që asnjë fëmijë shqiptar nuk duhet të jetë viktimë e luftimeve në Siri!
Për këtë ne kërkojmë angazhimin tuaj si Kryeministër, por edhe si baba i dy fëmijëve: A nuk do të kishit vajtur edhe Ju në fund të botës për të gjetur fëmijët tuaj dhe për t’i sjellë ata në shtëpi? Të gjithë ne, prindër të prekur nga ky konflikt, qytetarë të thjeshtë apo të angazhuar për të mbrojtur të drejtat e fëmijëve, sot kemi një thirrje për ju dhe Qeverinë tonë: SILLNI FËMIJËT TANË NË SHTËPI!
Alvin Berisha, 11 vjeç, nuk dihet nëse është gjallë! Jeta e tij është në duart tuaja! Si Alvini janë me dhjetra fëmijë shqiptarë që presin që Qeveria e tyre t’i shpetojë nga vdekja e sigurt! Ne kërkojmë kthimin në shtëpitë e tyre edhe të Evës, Endrit, Fatimes, Esmas, Belkizes, Suejdit dhe të gjithë fëmijëve që sot ndodhen në kampe në Siri.
Sinqerisht,
Altin Hazizaj
Drejtor Ekzekutiv
CRCA/ECPAT Shqipëri
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Florini është një vëlla, i cili kërkon rikthimin e motrës së tij nga kampet siriane. Në Open ai tha se motra e tij, Klotilda Zani ndodhet atje që p...
TIRANË– Gazetari i emisonit “Le Iene” ku është transmetuar historia e vogëlushit shqiptar Alvin Berisha, që ka mbetur mes kampeve të Sirisë, Taulant Koplik...
TIRANË– Teologu Ermir Gjinishi në një lidhje direkte në emisionin ‘Open’ është përplasur me zv/ministren e punëve të brendshme Romina Kukon, teksa kjo e fu...
TIRANË– Sonte në “Open” po diskutohet për fatin e Alvin Berishës, i cili ndodhet në kampet e Sirisë.Zëvendësministrja e Brendshme Romina Kuko, tha se perso...
TIRANË– Eni Vasili, gazetarja e emisionit “Open” dhe të ftuarit në këtë studio janë përlotur të gjithë mbrëmjen e sotme. Teksa është transmetuar videoja e ...
SHBA- Një grup gazetarësh kanë zhvilluar një takim me prokurorin shqiptaro-amerikan Gjon Juncaj në Detroit të SHBA-së.Përmes një postimi në “Facebook”, gazetarj...
TIRANË– Një shqiptar që punon në ndërtim në Gjermani ka ndaluar punën për disa çaste dhe ia ka marrë një këngë malli. Teksa ndodhet mes kurbetit dhe...
ELBASAN– Një burrë ka rënë në prangat e policisë së Elbasanit pasi akuzohet për tentativë vrasjeje. Burime zyrtare bëjnë me dije se bashkëshorti ka marrë ...