Politike

PD thirrje Ramës: Mjaft e keqpërdore Kosovën! Ia ke borxh Hashim Thaçit e Jakup Krasniqit gjithë ç’ke sajuar

VIDEO
PD akuzon Ramen se është në borxh me Kosovën dhe shqiptarët pasi ditën që Thaçi dhe Krasinqi përballeshin me gjykatën në Hagë, ai firmoste marrëveshjen me Serbinë.
Featured image of article: PD thirrje Ramës: Mjaft e keqpërdore Kosovën! Ia ke borxh Hashim Thaçit e Jakup Krasniqit gjithë ç’ke sajuar Edi Paloka

TIRANË– Ish deputeti i Partisë Demokratike, Edi Paloka në një deklaratë për mediat nga selia e PD akuzon Kryeministrin Edi Rama se ka bërë skema dhe mashtrime kundër Lulzim Bashës.

Paloka thotë më tej se Rama është në borxh me Kosovën dhe shqiptarët pasi ditën që Thaçi dhe Krasinqi përballeshin me gjykatën në Hagë, ai firmoste marrëveshjen me Serbinë.

‘Ditën që ata përballeshin me akuzat e Vuçicit, në Hagë ti firmose me të marrëveshje. Ia ke borxh Kosovës dhe shqiptarëve përgjigjjen, pse vetëm ti dhe Ministria e Jashtme e Federatës Ruse flisni akoma për Shtëpinë e Verdhë. Edi Rama, mjaft e dëmtove Kosovën, mjaft e bëre pis luftën e UÇK-së për të fshehur dështimet e tua.’- shprehet Paloka.

Për më shumë bëhu pjesë e grupit më viral në Facebook, Dosja.al


DEKLARATË E PARTISË DEMOKRATIKE, NËNKRYETARI EDI PALOKA

Për Edi Ramën dhe të gjithë mercenarët e ti, më poshtë janë me zë dhe me figurë të gjitha përgjigjet që ti u fshihesh dhe nuk do t’i dëgjosh: Që ti dhe Ministria e Jashtme Ruse jeni të vetmit që flisni akoma për Shtëpinë e Verdhë. Që kasetën, dëshmitari yt ia kishte dhënë BBC në prani të Dash Pezës dhe jo Lulzim Bashës. Që përkthyesi në Shtëpinë e Verdhë ishte Artan Grubi dhe jo Lulzim Basha. Që Lulzim Basha, siç deklaroi dhe prokurori i EULEX-it nuk kishte qenë KURRË pjesë e asnjë hetimi ndaj UÇK-së. Që, siç pohoi edhe miku yt Baton Haxhiu në Opinion, pretendimi se Lulzim Basha ka qenë i pranishëm në arrestimet e komandantëve të UÇK-së është gënjeshtër. E gjithë skema jote e mashtrimit që ke ngritur deri më sot kundër Lulzim Bashës, u rrëzua. Shiko në çfarë bataku e zhyte veten, vetëm e vetëm për të larguar vëmendjen e njerëzve nga skandalet dhe vjedhjet e muajve të fundit dhe dështimit në përballjen me krizën e COVID-19. Mjaft e keqpërdore Kosovën! Sot ia ke borxh Hashim Thaçit e Jakup Krasniqit gjithë ç’ke sajuar. Ditën që ata përballeshin me akuzat e Vuçicit, në Hagë ti firmose me të marrëveshje. Ia ke borxh Kosovës dhe shqiptarëve përgjigjjen, pse vetëm ti dhe Ministria e Jashtme e Federatës Ruse flisni akoma për Shtëpinë e Verdhë. Edi Rama, mjaft e dëmtove Kosovën, mjaft e bëre pis luftën e UÇK-së për të fshehur dështimet e tua. Po vjen dita të japësh llogari për të gjitha dështimet dhe zullumet e tua në kurriz të shqiptarëve!

Shto Koment