Politike

PD denoncon: Olta Xhaçka përdori helikopterin e ministrisë për fushatën e PS në Dibër. Të kërkojë ndjesë dhe të japë dorëheqjen

VIDEO
10 mijë eurot që investohen në transportin e ministres mund të përdoren për të ndihmuar njerëzit që janë në nevojë për shkak të pandemisë, thotë ndër të tjera ish deputetja e PD-së.
Featured image of article: PD denoncon: Olta Xhaçka përdori helikopterin e ministrisë për fushatën e PS në Dibër. Të kërkojë ndjesë dhe të japë dorëheqjen Albana Vokshi

TIRANË– Partia Demokratike vijon me akuzat kundrejt Ministres së Mbrojtjes Olta Xhaçka se ka përdorur privatisht helikopterin e Ministrisë për fushatën e partisë.

Vokshi bën me dije se helikopter vajtje-ardhje nga Tirana në Peshkopi kushton plot 10 mijë euro. Ndër të tjera ajo shprehet se Xhaçka ka mbrojtjen e Ramës dhe prandaj nuk po reagojnë. 10 mijë eurot që investohen në transportin e ministres mund të përdoren për të ndihmuar njerëzit që janë në nevojë për shkak të pandemisë, thotë ndër të tjera ish deputetja e PD-së.


Kjo nuk është hera e parë që Partia Demokratike denoncon këtë rast. Ishte ish-deputeti Xhemal Gjunkshi ai që ngriti akuzat fillimisht kundrejt ministres, madje publikoi edhe pamje teksa ku duket ministrja që zbret nga helikopteri. Qeveria dhe Ministrja nuk kanë reaguar për këto akuza.

Për më shumë bëhu pjesë e grupit më viral në Facebook, Dosja.al

DEKLARATË E PARTISË DEMOKRATIKE, ALBANA VOKSHI

Jam sot tek Ministria e Mbrojtjes për të shprehur shqetësimin për papërgjegjshmërinë e Ministres Olta Xhaçka dhe kryeministrit në ikje Edi Rama. Të premten është verifikuar një veprim që ajo e ka bërë shpesh, që kur është deleguar si drejtuese e qarkut në Dibër për Partinë Socialiste. Olta Xhaçka ka përdorur privatisht helikopterin e Ministrisë së Mbrojtjes për fushatën e partisë në pushtet. Punët perosnale partiake i kushtojnë shtrenjtë shqiptarëve. Udhëtimi me helikopter vajtje-ardhje nga Tirana në Peshkopi, kushton 10’mijë euro. Për të bërë fushatën e Partisë Socialiste, ajo ka futur duart në xhepin e secilit prej jush për të udhëtuar me helikopter nga Tirana në Peshkopi për disa takime partie. Gjatë këtyre orëve, pasi është publikuar video nga kolegu Xhemal Gjunkshi, janë me mijëra mesazhet e qytetarëve, që shprehin tronditjen për këtë vjedhje të hapur dhe këtë arrogancë të pafalshme të shpërdorimit të pushtetit. Për qytetarët është e papranueshme që në mesin e kësaj krize të dyfishtë, ekonomike dhe shëmdetësore, Minisitrja e Mbrojtjes Olta Xhaçka të harxhojë 10 mijë euro për të shkuar më Peshkopi me helikopter për fushatë elektorale. Askush nuk mund ta pranojë që Olta Xhaçka të shpenzojë 10 mijë euro për një udhëtim privat me helikopter, kur më spitale njerëzit vuajnë për të gjetur një shtrat. Është një shpërdorim skandaloz, që revolton çdo qytetar, i cili harxhon 100 mijë lekë për tamponin në privat, i cili blen vetë bombolën e oksigjenit dhe që rri me frikë në zemër, se nuk ka ku të perplaset. Shpenzimet marramendëse të Olta Xhaçkës, që për punë partie përdor helikopterin si taksi private, revoltojnë çdo biznes që vuan mungesën e mbështetjes nga kjo qeveri. Në vend që paratë të shpenzohen për të ndihmuar njerëzit në këtë kohë të vështirë, Olta Xhaçka përdor helikopterin e Ministrisë së Mbrojtjes për fushatën e PS në Dibër. Olta Xhaçka nuk mund ta kalojë në heshtje këtë skandal, që në botën demokratike ka kushtuar karrige ministrash dhe kryeministrash. Një person politik, me një grimcë ndërgjegje, nuk mund të heshtë. Akti i fundit që Olta Xhaçka duhet të bëjë sot është firmosja e dorëheqjes pasi t’u ketë kërkuar falje shqiptarëve. Personaisht, besoj se kjo nuk do të ndodhë. Ka një arsye pse Ministrja e Mbrojtjes vazhdon të heshtë për këtë skandal. Aja ka mbrojtjen e Edi Ramës, i cili ka treguar se ndan të njëjtën mendësi dhe babëzi për luks të shfrenuar dhe udhëtime me avionë privatë me paratë e shqiptarëve. Na kushton më lirë t’i largojmë këta qeveritarë të pangopur e të korruptuar, që tallen dhe vjedhin qytetarët në ditën më të vështirë. Shqiptarët kanë mevojë për një qeveri dhe një kryeministër që punon për ta!

(A.B)/Dosja.al

Shto Koment