Politike

PD bëri publike rastin e familjes që nuk përfiton bonusin nga tërmeti, reagon Bashkia e Tiranës: Lulzim Basha dhe spikeret e tij gënjejnë publikisht, shfrytëzojnë fatkeqësinë

Bashkia e Tiranës e cila sqaron se banesa e familjes së Nik Prendit në Kombinat është shpallur e pabanueshme dhe ka marrë gjatë gjithë kësaj kohe.
Featured image of article: PD bëri publike rastin e familjes që nuk përfiton bonusin nga tërmeti, reagon Bashkia e Tiranës: Lulzim Basha dhe spikeret e tij gënjejnë publikisht, shfrytëzojnë fatkeqësinë Bashkia Tirane

TIRANE– Partia Demokratike bëri publike rastin e familjes Prendi të cilës iu shkatërrua shtëpia gjatë tërmetit të 21 shtatorit të 2019-ës. Ai denoncon se bashkia nuk i jep një përgjigje se kur do të ndërtohet banesa e tij.

Për këtë rast ka reaguar bashkia e Tiranës e cila sqaron se banesa e familjes së Nik Prendit në Kombinat është shpallur e pabanueshme dhe ka marrë gjatë gjithë kësaj kohe të gjithë mbështetjen e nevojshme, duke përfshirë edhe bonusin e qirasë çdo muaj.

Është për të ardhur keq që Lulzim Basha dhe spikeret e tij gënjejnë publikisht, duke shfrytëzuar babëzisht me shpifje dhe për fushatë fatkeqësinë e tërmetit. Bashkia e Tiranës sqaron se banesa e familjes së z. Nik Prendi në Njësinë Administrative 6 është shpallur e pabanueshme nga Instituti i Ndërtimit, për shkak se ka pësuar dëme të rënda nga tërmeti i 26 nëntorit 2019. Për këtë arsye, nga Janari 2020, sipas VKB nr. 151, dt. 16.12.2019, kjo familje trajtohet çdo muaj me bonus qiraje prej 180 mijë lekësh, të cilat duhet t’i përdorë për të jetuar në një shtëpi me qira. Për të provuar gënjeshtrën e shëmtuar të PD-së, po ju vëmë në dispozicion dokumentin e tërheqjes së bonusit të qirasë në postë nga vetë z. Prendi”, thuhet në njoftimin e Bashkisë.

Për më shumë bëhu pjesë e grupit më viral në Facebook, Dosja.al

Bashkia i bën thirrje PD-së që të ndalojë këto mashtrime duke shfrytëzuar fatkeqësinë e tërmetit.

Për të disatën herë PD po dështon të gjejë dikë që nuk është mbështetur nga Qeveria e nga Bashkia në fatkeqësinë e tërmetit. Nga dëshpërimi po mundohen t’i shpikin, duke turpëruar veten dhe qytetarët. Partia Demokratike nuk ka asnjë shans që me mashtrime e gënjeshtra, të bëjë vajtojcën e halleve të popullit, ndaj do bënte mirë të ndalojë menjëherë mashtrimet publike, të mos përdorë dhe të mos bëjë fushatë me fatkeqësinë e familjeve të prekura nga tërmeti i nëntorit 2019”, thuhet në reagim.

(A.B)/Dosja.al

Shto Koment