Diaspora

Flamuri i Kosovës valëvitet në Calgary në kujtim të 12-vjetorit të pavarësisë

Nebi Murseli në fjalimin e tij, theksoi sa e rëndësishme është kujtimi i kësaj date historike për popullin shqiptar të Kosovës, datë e cila përmbush amanetin e të rënëve për liri e pavarësi.
Featured image of article: Flamuri i Kosovës valëvitet në Calgary në kujtim të 12-vjetorit të pavarësisë Flamuri i Kosovës

KANADA- Sot pranë bashkisë së qytetit të Kalgarit, provincës së Albertës, Kanada, u ngrit flamuri i Kosovës e organizuar nga Shoqata Shqiptaro-Kanadeze. Në këtë ceremoni sa të thjeshtë po aq e kuptimplotë pas mbajtjes së fjalës nga kryetari i shoqatës Z. Ilir Kuqi, e cila u pasua nga fjalimi i ndjerë i gazetarit të mirënjohur në rrethin e shqiptarëve të Kalgarit z. Nebi Murseli, u bë ngritja e flamurit. Në këtë ditë të bukur shkurti me diell, ndjehej krenaria dhe gëzimi në sytë e shqiptarëve të mbledhur të cilët ishin nga të gjitha trevat shqiptare për të qenë dëshmitarë të ngritjes së flamurit.

Flamuri i Kosovës

Nebi Murseli në fjalimin e tij, theksoi sa e rëndësishme është kujtimi i kësaj date historike për popullin shqiptar të Kosovës, datë e cila përmbush amanetin e të rënëve për liri e pavarësi.

“Kosova nuk ka qenë asnjëhere një koncept thjesht gjeografik-tha në fjalimin e tij z. Murseli, -prandaj të gjithë ne shqiparët kudo që jemi ta kujtojmë gjithmonë këtë tokë dardane, tokë për të cilën kanë rënë shqiparë nga të gjitha trojet etnike. Sakrificat dhe dashuria për këtë tokë duhet të jetë lajtmotivi që brezave të ardhshëm e kemi detyrim t’ua kujtojmë historinë e Kosovës sonë të lavdishme dhe kreshnike.”

Për më shumë bëhu pjesë e grupit më viral në Facebook, Dosja.al
Kosovarët në Kanada

Pas fjalimit të z. Nebi, u bë ngritja e flamurit e shoqëruar nga himni i Kosovës. Nuk mund të mbyllej një ceremoni e tillë pa një këngë si “Kuq e Zi”, e cila zgjon ndjenja atdhedashëse e bashkimi mes shqiptarësh.

(Marrë nga Albcanyyc.org)

Shto Koment