Aktualitet

“Pavarësinë time nga politika e kam vërtetuar me Kajmakun”, Arta Marku ‘mburrej’ para KLP-së pak muaj më parë, por sot ‘liroi’ nga prangat ish-kryebashkiakun

VIDEO
Para anëtarëve të KLP-së, Marku u shpreh se puna e saj ishte shoqëruar me një presion shumë të lartë dhe ajo kishte treguar integritet dhe mosvarësi nga politika. Për të ilustruar integritetin e saj të lartë, prokurorja solli shembullin e Kajmakut, për të cilin në atë kohë kishte autorizuar nisjen e hetimeve
Featured image of article: “Pavarësinë time nga politika e kam vërtetuar me Kajmakun”, Arta Marku ‘mburrej’ para KLP-së pak muaj më parë, por sot ‘liroi’ nga prangat ish-kryebashkiakun Arta Marku

TIRANË- Prokurorja Arta Marku ka shpëtuar nga burgu ish-kreun e Bashkisë Vorë, Agim Kajmaku. Në Gjykatën e Apelit të Tiranës sot u zhvillua seanca kundër Kajmakut, kundër të cilit u vendos masa e sigurisë “detyrim paraqitje” nga “arrest në burg” që kishte më parë.

Prokurore në këtë çështje është Arta Marku, e cila i dorëzoi gjyaktës kërkesën për zbutjen e masës së sigurisë për ish-qytetarin e parë të Vorës, duke e arsyetuar se Kajmaku është sëmurë dhe i rrezikohet jeta në qëndron në burg.

Gjykata e pranoi këtë kërkesë dhe ish-kryebashkiaku tashmë nuk mund të qëndrojë më në arrati, por do i duhet vetëm të paraqitet pranë prokurorisë njëherë në muaj, sipas procedurës. Por për këtë çështje, Arta Marku ka folur dhe në nëntor të vitit të kaluar, në një kohë që kërkonte përpara Këshillit të Lartë të Prokurorisë një mandat të dytë në krye të akuzës.

Para anëtarëve të KLP-së, Marku u shpreh se puna e saj ishte shoqëruar me një presion shumë të lartë dhe ajo kishte treguar integritet dhe mosvarësi nga politika. Për të ilustruar integritetin e saj të lartë, prokurorja solli shembullin e Kajmakut, për të cilin në atë kohë kishte autorizuar nisjen e hetimeve

Për më shumë bëhu pjesë e grupit më viral në Facebook, Dosja.al

Kam dëshmuar që nuk kam varësi nga politika, jam anatemuar për të kundërtën, sa herë ka patur një rast të veçantë. Kur cështjet janë trajtuar e janë zgjidhur, e kam vërtetuar të kundërtën. Më i fundit, një vendimmarrje për kreun e Bashkisë Vorë. Nuk është tregues i vogël, apo varësi politike, aq më tepër që isha në periudhë kandidimi, kam bërë detyrën sic unë di ta bëj. Kam pasur mbështetjen e atyre që ndajnë me mua të njëjtat vlera. Kam patur mbështetjen e faktorit ndërkombëtar, prej tyre jam zgjedhur, nuk kam patur asnjëherë mbështetje politike”, u shpreh Kajmaku në atë kohë.

Por sot po Arta Marku, ka kërkuar që Kajmaku të lihet i lirë dhe të mos jetë në masën e sigurisë “arrest në burg”, edhe pse ky i fundit prej gati një vit i është fshehur drejtësisë dhe ka qenë në arrati.

(A.B. Dosja.al)

Shto Koment