Sport

“Pashë disa vajza që po hynin në shtëpi”, telefonata e fqinjit që fundosi futbollistët e Juventusit: Ishin të gjithë pa maska

Për të zbuluar festën, rreth orës 11:30 të mbrëmjes ka mbërritur një telefonatë në polici, e cila ankohej për zhurmën dhe festën e paautorizuar brenda shtëpisë së mesfushorit amerikan
Featured image of article: “Pashë disa vajza që po hynin në shtëpi”, telefonata e fqinjit që fundosi futbollistët e Juventusit: Ishin të gjithë pa maska Paulo Dybala
Përditësuar:

TORINO-Një episod i keq përfshiu tre lojtarë të Juventusit, protagonistë të një feste të ndaluar në kohën e Covid-19. E gjitha kjo, sipas raporteve nga “La Stampa”, do të ndodhte mbrëmë në shtëpinë e Ëeston McKennie në Torino.

Për të zbuluar festën, rreth orës 11:30 të mbrëmjes ka mbërritur një telefonatë në polici, e cila ankohej për zhurmën dhe festën e paautorizuar brenda shtëpisë së mesfushorit amerikan. Fillimisht të pranishmit në festë, rreth njëzet persona, kanë refuzuar ta hapin portën. Brenda shtëpisë, përveç pronarit, ishin edhe shokët bardhezinj, Dybala dhe Arthur.

“Unë nuk mendoj se të jesh një futbollist i famshëm të jep të drejtën të jesh mbi rregullat. Rreth orës 11.30 unë dola për të shëtitur qenin, pashë një varg makinash të parkuara buzë rrugës dhe një grup njerëzish, të gjithë pa maska, para portës. Kishte Mercedes me targa spanjolle, shumë Jeep dhe më pas disa taksi mbërritën disa vajza. Meqenëse darkat me miqtë nuk lejohen, vendosa të njoftoj policinë “- Shpjegon fqinji i futbollistit amerikan.

Rezultatet finale të zgjedhjeve në kohë reale dhe të përditësuara nga burimi zyrtar KQZ këtë vit do të mund ti ndiqni në Dosja.al. Kliko për të parë platformën.

Në intervistë, fqinji specifikon: “Unë nuk kam asgjë kundër McKennie, i cili është një djalë i qetë. Ai qëndron në shtëpi ose shkon të stërvitet, ai është profesionist. Unë jam një tifoz i Juventusit. Për këtë më vjen keq, por nëse në vend që të shkojnë në festa të mendojnë më shumë për fushën … “, tha ai.

E.Ç (Dosja.al)

Etiketa:

Shto Koment