Aktualitet

“Lashë peng pasaportën për lekët e drogës”/ Marrëveshja më në modë mes trafikantëve, skema si ‘rregullohen’ me paratë pasi shesin mallin

Njëri nga agjentët e antidrogës tregon se në lokal gjendeshin shtetasit K.S., Erald Kajaci dhe Emiliano Kanani si edhe Marius Ceka.
Featured image of article: “Lashë peng pasaportën për lekët e drogës”/ Marrëveshja më në modë mes trafikantëve, skema si ‘rregullohen’ me paratë pasi shesin mallin Foto ilustruese

TIRANË- Besoj keni ndeshur raste kur dikush të ketë lënë pasaportën “peng” për ndonjë veprim monetar? Diçka e tillë tashmë ndodh edhe për pazare droge. Disa kontrolle blic gjatë të enjtes në kryeqytet kanë zbuluar pikërisht këtë gjë, pas shoqërimit të një të riu dokumentat e të cilit u gjetën në shtëpinë e një shpërndarësi droge. Roland Topi – siç thotë një burim zyrtar i Gazetës “Si” pranë Drejtorisë Qendrore të Policisë Tiranë – u deklarua përdorues dhe më pas ka shtuar se kishte blerë disa herë drogë tek shtetasi Marius Ceka dhe se kishte dijeni që 28-vjecari nga Selita shiste drogë. “Herën e fundit lashë si garanci pasaportën dhe patentën pasi bleva drogën, derisa t’i jepja lekët”, shtoi 28-vjecari i cili u arrestua për moskallëzim krimi.

Denoncimi

Por përdorimi i lokalit për shpërndarje drogë (sikurse Gazeta “Si” ka paralajmëruar shpesh për këtë fenomen), u denoncua nga një telefonatë. Burime zyrtare të policisë tregojnë për Gazetën “Si” se një qytetar ka njoftuar në komisariatin digjital duke informuar se “Marius Ceka ka armë zjarri, ai rrezikon të vrasë ndonjë njeri dhe ai shpërndan drogë”. Policia ka nisur menjëherë kërkimet pasi ka gjetur në sistem të dhënat për shtetasin e dyshuar dhe një nga kërkimet është zhvilluar edhe në lokalin në rrugën “Hamdi Pepo”, por edhe në shtëpinë e Cekës.

Version i policisë

Për më shumë bëhu pjesë e grupit më viral në Facebook, Dosja.al

Njëri nga agjentët e antidrogës tregon për Gazetën “Si” se në lokal gjendeshin shtetasit K.S., Erald Kajaci dhe Emiliano Kanani si edhe Marius Ceka. Dy prej tyre kishin lëndë narkotike me vete, tha i njëjti burim. Por menjëherë sapo ka konstatuar policinë, Ceka është larguar nga lokali. Një tjetër efektiv i policisë, punonjës i patrullës së përgjithshme, i tha Gazetës “Si” se pavarësisht ndjekjes së tij nuk u bë i mundur arrestimi. Nga ana tjetër nga kontrolli në banesën e shpërndarësit, u sekuestruan armë pistoletë “Zastava”, mikro pistoletë me mulli, tre krehëra armësh të mbushur me fishekë, 15 telefona të fikur. Gjatë kontrolleve, në shtëpinë e Cekës u gjet edhe një pasaportë dhe një patentë me emrin e shtetasit Roland Topi. Ai u gjet brenda pak orëve dhe kur u shoqërua dhe u pyet se përse nuk e kishte denoncuar humbjen e pasapotës dhe të patentës, i riu u zbërthye duke treguar se dokumentat i kishte lënë peng derisa të gjente lekët e drogës që përdorte.

Marrë nga Gazeta Si

(k.m/dosja.al)

Shto Koment