Politike

Ngërçi në Kushtetuese/ Meta kërkon takim me Bashën dhe Kryemadhin: Vendi në situatë dramatike, do të ketë vendime

  • Presidenti: Boll janë tallur me Kushtetutën, Gjykata Kushtetuese është vija e kuqe
  • Presidenca: Padi për zyrtarë të tjerë, do të publikohet një video me fakte për dhunimin e Kushtetutës
  • Rudina Hajdari takim me presidentin Meta
  • Presidenti Meta ka deklaruar se do të kërkojë takim me krerët e opozitës që dogjën mandatet.
    Featured image of article: Ngërçi në Kushtetuese/ Meta kërkon takim me Bashën dhe Kryemadhin: Vendi në situatë dramatike, do të ketë vendime Ilir Meta, Lulzim Basha dhe Monika Kryemadhi

    Tiranë– Për ngërçin e krijuar në Gjykatën Kushtetuese presidenti Ilir Meta do të kërkojë një takim me krerët e partive politike opozitare që kanë braktisur Kuvendi.

    Presidenca njofton se Meta pritet të takohet me  Lulzim Bashën, Monika Kryemadhin dhe me krerët e partive më të vogla për situatën dramatike në vend. Po kështu nga Presidenca theksohet se do të ketë edhe edhe të tjera inisiativa, vendime dhe takime shumë të rëndësishme nga ana e Presidentit Ilir Meta.

    “I pyetur nga gazetarët lidhur me një lajm që qarkullon në media për një sërë nismash dhe vendimesh shumë të rëndësishme që do të ndërmarrë në ditët në vijim Presidenti i Republikës Sh.T.Z Ilir Meta, Këshilltari për Mediat dhe Zëdhënësi z.Tedi Blushi bën me dije se: Presidenti Meta do të kërkojë takim me të gjithë kryetarët e Partive Parlamentare që braktisën Kuvendin në shkurt 2019, për të diskutuar lidhur me situatën dramatike ku ndodhet vendi. Padyshim do të ketë edhe të tjera inisiativa, vendime dhe takime shumë të rëndësishme!”, thuhet në njoftimin e Presidencës.

    Një ditë më parë në një konferencë urgjente për mediat Presidenti Ilir Meta deklaroi se do të padisë në Prokurori, kreun e KED Ardian Dvoranin për ngërçin në Kushtetuese. Meta tha se Dvorani ka konsumuar dy vepra penale, shpërdorimin e detyrës dhe përvetësimin e titujve shtetëror. Kreu i Shtetit i cilësoi si mafioze veprimet e kreut të KED dhe të bëra qëllimisht që Presidenti të shkelte Kushtetutën. Meta iu përgjigj dhe akuzave të Ramës duke e quajtur të çmendur. Ai deklaroi se më këtë situatë alarmante popullit i ngelen tre rrugë: “Ose njerëzit të marrin armët që është e papranueshme, ose të pranojnë gjendjen, ose të largohen”. 

    J.V/Dosja.al

    Shto Koment