Bota

Ndryshime në Kodin Zgjedhor/ Pas opozitës shqiptare, edhe ajo bullgare braktis Kuvendin

Opozita bullgare ka braktisur Kuvendin pasi kërkon ndryshime në Kodin Zgjedhor. Ata nuk kanë pranuar të rikthehen në Kuvend por po zhvillojnë bisedime me maxhorancën për gjetjen e një zgjidhjeje mbi çështjet e ngritura.
Featured image of article: Ndryshime në Kodin Zgjedhor/ Pas opozitës shqiptare, edhe ajo bullgare braktis Kuvendin Parlamenti bulgar

BULLGARI– Këshillli Kombëtar i Partisë Socialiste bullgare më 17 shkurt vendosi në favor të largimit të grupit të saj parlamentar nga parlamenti. Pas largimit të saj, PS vendosi disa kushte për t’u rikthyer në parlament.

Ndër to ishte edhe ngritja e një komisioni të ri zgjedhor, rikthimi në votimin e mëparshëm preferencial, pastrimin e listave zgjedhore, mundësinë për të apeluar rezultatin dhe një debat të ri për votimin elektronik.

Deputetët e larguar kanë vendosur të mos kthehen në parlament as për të diskutuar mbi veton e Presidentit Rumen Radev mbi ndryshimet në Kodin Zgjedhor.

Megjithatë qeveria bullgare po përpiqet të gjejë zgjidhje për çështjet e ngritura nga opozita. Një fakt të tillë e pohoi edhe një prej zëdhënësve të Komisionit Europian.

“Le të shohim se çfarë do të ndodhë. Do të zhvillohet një bisedë demokratike mes dy palëve në mënyrë që të gjendjet një zgjidhje lidhur me frikën e shprehur nga socialistët për manipulimin e zgjedhjeve nga partia në pushtet,”– shtoi zëdhënësi.

(k.m./dosja.al)

Shto Koment