Bota

Pas debatit Rama- Bakojanis, mediat turke: Ne rrëzuam marrëveshjen detare Shqipëri-Greqi 

Media turke pranë qeverisë “HaberTurk”,thekson se për shkak të  ndërhyrjes nga ana e autoriteteve turke nuk u nënshkrua marrëveshja asaj kohe, dhe sipas artikullit kjo gjë i ka dhënë fund planeve të Greqisë në detin Jon.
Featured image of article: Pas debatit Rama- Bakojanis, mediat turke: Ne rrëzuam marrëveshjen detare Shqipëri-Greqi  Rexhep Erdogan dhe Edi Rama

TURQI- Mediat turke së fundmi kanë shkruar në lidhje me negociatat për detin mes Shqipërisë dhe Greqisë. mediat greke kanë rikthyer sërish kohën pas duke sjelle në vëmendje  rrëzimin e marrëveshjes Greqi- Shqipëri nga Gjykata Kushtetuese, në vitin 2009.

Media turke pranë qeverisë “HaberTurk”,thekson se për shkak të  ndërhyrjes nga ana e autoriteteve turke nuk u nënshkrua marrëveshja asaj kohe, dhe sipas artikullit kjo gjë i ka dhënë fund planeve të Greqisë në detin Jon.

Po ashtu në artikull shkruhet se asokohe autoritetet turke njoftuan autoritetet shqiptare duke iu thënë tekstualisht se “Greqia po ju mashtron”.

HaberTurk shkruan:

Ekspertët konfirmojnë se Greqia synoi të përdorë të njëjtën skemë edhe me Shqipërinë, duke i njohur ishujve shumë pranë territorit një Zonë Ekskluzive Ekonomike të barabartë me tokën. Përballë kësaj situate ne njoftuam palën shqiptare duke bërë që Greqia të mos marrë asnjë rezultat nga një tentativë e tillë. Pas anulimit të marrëveshjes me Shqipërinë, Greqia ktheu sytë nga zona detare në jug të Kretës duke kërkuar për gaz.

HaberTurk i referohet një interviste të dhënë nga Admirali turk Cihat Yayci, i cili është edhe arkitekti i planit “Atdheu Blu”, përmes të cilit Turqia shpall Zonë Ekskluzive Ekonomike në një pjesë të mirë të Egjeut.

Në intervistën dhënë HaberTurk-ut në qershor të këtij viti, Yayci thekson: Ne e njoftuam palën shqiptare duke iu thënë se “Greqia po i mashtronte”. Në fund, edhe pse marrëveshja u nënshkrua, Shqipëria i tha Greqisë se “ishujt e tu nuk mund të kenë të njëjtin ndikim në Zonën Ekskluzive Ekonomike me tokën time” duke e çuar marrëveshjen në Gjykatën Kushtetuese, e cila e rrëzoi.

Për më shumë bëhu pjesë e grupit më viral në Facebook, Dosja.al

Këto artikujt që janë publikuar nga mediat turke, vijnë pas debatit që Rama pati dje në konferencën ‘TheEconomic’ me ish- ministren e Jashtme të Greqisë, Dora Bakojanis, e cila kishte nënshkruar marrëveshjen në vitin 2019 .

Dje Bakojanis i tha Ramës që ka qenë ajo që ka nënshkruar marrëveshjen, duke shtuar se ka qenë ndikimi i Turqisë që bëri që marrëeshja të rrëzohet.

Jam unë ajo që kam nënshkruar këtë marrëveshje, u mërzita shumë kur mora vesh vendimin e gjykatës kushtetuese. Me vjen keq që pas kaq vitesh nuk kemi një marrëveshje mes dy vendeve. Për të qenë e sinqertë, ndërhyrjet e palëve të treta në këtë marrëveshje ka qenë të mëdha. Të gjithë e dimë që Turqia nuk e ka dashur këtë marrëveshje. Unë njihem në Greqi si një nga mbështetësit e dialogut mes Greqisë dhe Turqisë”, deklaroi Bakojanis duke nxitur reagimin e Ramës.

Ndërkohë Kryeministri i Shqipërisë iupërgjigj duke i thënse se gjatë asaj kohe nuk kishte kontakte në atë kohë me Erdoganin. Madje, Rama këmbënguli se e kishin çuar marrëveshjen e detit në Gjykatën Kushtetuese pas debatit të nisur në shoqërinë civile.

Gjykata Kushtetuese ka marrë vendim për këtë marrëveshje në vitin 2009, në atë kohë unë kurrë se kisha dëgjuar dhe kurrë s’kisha folur me Erdoganin, atëherë ai ishte kryeministër i Turqisë. Ne ishim partia kryesore e opozitës ne vendosëm ta çonin më Gjykatën Kushtetuese, kishte një debat me shoqërinë civile“, tha Rama.

(A.K.dosja.al)

Shto Koment