Politike

Papunësia dhe emigracioni, Rama flet HAPUR: As për 5 mandate Shqipëria s’bëhet dot Gjermani!

Edi Rama tha se ky fenomen do të vazhdojë se Shqipëria nuk mund të bëhet Gjermani as për një, as për dy dhe madje as për 5 mandate.
Featured image of article: Papunësia dhe emigracioni, Rama flet HAPUR: As për 5 mandate Shqipëria s’bëhet dot Gjermani! Edi Rama

TIRANË– Kryeministri Edi Rama ka folur lidhur me largimin e qytetarëve nga Shqipëria, duke e cilësuar edhe njëherë një problem global. Në fjalën e tij, në emisionin “PolitikON”, Rama tha se ky fenomen do të vazhdojë se Shqipëria nuk mund të bëhet Gjermani as për një, as për dy dhe madje as për 5 mandate. Ai gjithashtu u shpreh se kishin premtuar 300 mijë vende pune në fushatë, por aktualisht ka 673 mijë të punësuar, duke shënuar sipas tij papunësinë më të ulët në rajon.

PJESË NGA FJALA E RAMËS: 

Për më shumë bëhu pjesë e grupit më viral në Facebook, Dosja.al

Emigracioni nuk është një problem shqiptar por shumë më i madh dhe më i përgjithshëm. Dhe këtë nuk e luan topi. Shqiptarët nuk do kenë nevojë e emigrimit as e kam thënë as nuk do e them kurrë. Nuk jemi më në bunkerin e Enver Hoxhës. Lavdi Zotit. Njerëzit mund të ikin. Shqiptarët kanë ikur, ikin dhe do ikin, janë kthyer, kthehen dhe do kthehen. Balanca mes ikjes dhe kthimeve do të kërkojë akoma kohë për tu ekuilibruar sado pak. Është e paekuilibruar. Siç kanë ikur, ikin dhe do ikin, janë kthyer kthehen dhe do të kthehen. Dhe ajo që ne duhet të bëjmë është ta bëjmë këtë vend më të mirë çdo ditë, çdo vit, brenda të gjitha atyre që janë të mundshme. E pamundura, pra bërja e Shqipërisë vendi i dytë pasa Gjermanisë mund të bëhet me llafe por me fakte nuk bëhet dot. Sot As për 1, as për 2, as për 3 mandate, as për 5 mandate Shqipëria nuk bëhet dot Gjermani. Rreth 380 mijë shqiptarë nga viti 2011 deri në 2019 janë larguar nga vendi. Nuk janë 500 mijë apo 1 milionë. Na thanë se kemi premtuar 300 mijë vende pune dhe më thanë se gënjeva. Në vitin 2013, në regjistrat e shteti, ka pasur 439 mijë të punësuar, sot ka 673 mijë të punësuar. Bëjeni diferencën! Sot janë 720 mijë vende punë aktive nga 450 mijë vende që ka pasur në vitin 2013.

(k.m/dosja.al)

Etiketa:

Shto Koment