Aktualitet

Pandemia po u jep hapësirë/ Drejtoria e pastrimit të parave jep alarmin: Kujdes nga kriminelët dhe terroristët, shfrytëzojnë krizën për të zgjeruar rrjetin, paraqiten si qeveritarë ose bamirës

Institucionet financiare kanë mbyllur një pjesë të degëve dhe zhvillojnë aktivitetin e tyre me orare të reduktuara dhe në këto kushte klientët të cilat nuk janë të familjarizuar me platformat e shërbimit në internet, mund të jenë më të ekspozuar ndaj mashtrimve ndërkohë që klientët që nuk kanë qasje në këto shërbime mund të transferojnë pasuritë në ekonominë informale. Në këtë mënyrë, ata bien pre e fushatave të kriminelëve dhe të terroristëve.
Featured image of article: Pandemia po u jep hapësirë/ Drejtoria e pastrimit të parave jep alarmin: Kujdes nga kriminelët dhe terroristët, shfrytëzojnë krizën për të zgjeruar rrjetin, paraqiten si qeveritarë ose bamirës Foto ilustruese dhe dokumenti

TIRANË– Kriminelët dhe terroristët po pastrojnë para duke shfrytëzuar krizën e shkaktuar nga pandemia e Covid-19. Dosja.al ka siguruar dokumentin e drejtorisë së pastrimit të parave, e cila u bën thirrje qeverisë dhe agjencive të zbatimit të ligjit që të jenë vigjilente në këtë periudhë pasi kriza ekonomika po u jep hapësirë kriminelëve dhe grupeve terroriste.

Të dhënat e raportuara, sipas drejtorisë së pastrimit të parave, tregojnë se gjatë kësaj periudhe kriminelët kanë provuar të shfrytëzojnë gjëndjen e pandemisë për të mbledhur fonde për organizata bamirëse fiktive, mashtrime në fushën e mjekësisë (përfshirë këtu dhe mashtrimet për investime) dhe shitjet në internet të ilaçeve të falsifikuara dhe furnizimeve mjekësore, siç janë pajisjet e testimit dhe ato që shërbejnë për mbrojtjen personale.

Në dokument theksohet se në shumë raste, ata prezantohen si zyrtarë të qeverisë; falsifikojnë produkte thelbësore, siç janë ato mjekësore dhe ilaçet si dhe inskenojnë skema mashtrimi në fushën e investimeve.

Krimi në internet:

Kriminelët shfrytëzojnë problematikën që shoqëron COVID-19 për të instaluar viruse (malëare) në kompjuterat personal ose telefonat celular. Në disa nga përpjekjet e fundit, kriminelët krijuan email të rremë të Organizatës Botërore të Shëndetit (phishing), instaluan viruese (malëare) në aplikacione të telefonave celularë që përdoren për të gjurmuar rastet e të infektuarve si dhe kanë dërguar mesazhe SMS duke pretenduar të jenë personel mjekësor, duke kërkuar pagesa për trajtimin e ofruar ose duke premtuar ofrimin e fondeve për ndihmë emergjente.

Për më shumë bëhu pjesë e grupit më viral në Facebook, Dosja.al

Institucionet financiare kanë mbyllur një pjesë të degëve dhe zhvillojnë aktivitetin e tyre me orare të reduktuara dhe në këto kushte klientët të cilat nuk janë të familjarizuar me platformat e shërbimit në internet, mund të jenë më të ekspozuar ndaj mashtrimve ndërkohë që klientët që nuk kanë qasje në këto shërbime mund të transferojnë pasuritë në ekonominë informale. Në këtë mënyrë, ata bien pre e fushatave të kriminelëve dhe të terroristëve.

“Kriminelët mund të mashtrojnë në kërkesat që bëjnë për fondet mbështetese që ofrohen nga qeveria duke u paraqitur si përfaqësues të bizneseve legjitime. Financimi i Terrorizmit: Ekziston shqetësimi se grupet terroriste mund të përdorin krizën e COVID-19 për të mbledhur ose transferuar dhe për të intensifikuar aktivitetin e tyre të jashtëligjshëm. Në mënyrë të përmbledhur, risqet e PP/FT që vijnë nga kërcënimet dhe dobësitë e sipërpërmendura konsistojnë në:

– Përdorimi në rritje i skemave në internet ose aseteve virtuale, në fazën e shtresëzimit (layering) për të pastruar të ardhurat e jashtëligjshme; – Kriminelët gjejnë mënyra për të shfrytëzuar mangësitë në kontrollet e brëndshme të vigjilencës së duhur, që vijnë si pasojë e punës në distancë; – Rritje të mundshme të transaksioneve jo në përputhje me profilet e klientëve, përdorimin e ekonomisë informale për të siguruar financim pasi ofruesit tradicionalë mund të jenë mbyllur dhe rritja e qarkullimit të shumave të konsiderueshme të parasë; – Përdorimi i personave juridikë për të mashtruar në fondet qeveritare dhe më pas pastrimi i tyre, duke përfituar nga bizneset e ligjshme, ose për të fshehur fondet përmes procesit të falimentimit; – Kriminelët dhe terroristët që përdorin pandeminë për të vepruar në linja të reja biznesit që karakterizohen nga nivel i lartë likujditetesh dhe përdorim i lartë i veprimeve me para në dorë;”- thuhet më tej në dokument.

(f.m/dosja.al)

Shto Koment