Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Bota
Pandemia detyron Kaliforninë të lirojë 8 mijë të burgosur
3 Gusht 2020, 12:44Nga DOSJA
SHBA- Për shkak të rritjes së rasteve të reja me COVID-19, kryetari i bashkisë së Los Anxhelosit Eric Garcetti njoftoi se mund të rivendosë masat e rrepta për qëndrim në shtëpi të popullatës. Njoftimi vjen vetëm disa javë pasi qyteti nisi të lehtësojë kufizimet e vendosura për shkak të pandemisë. Ndërkohë në burgjet nën administrim të shtetit gjendja është përkeqësuar aq shumë sa zyrtarët e Kalifornisë po shohin mundësinë e lirimit të rreth 8 mijë të burgosurve të dënuar për shkelje të vogla të ligjit.
Kalifornia vazhdon të jetë një nga vatrat e koronavirusit me mbi 500 mijë të infektuar në rang shteti që nga fillimi i pandemisë. Situata është veçanërisht e rëndë brenda burgjeve nën administrim të shtetit. Për ta zbutur problemin, zyrtarët thonë se po shqyrtojnë mundësinë e lirimit të 8 mijë të burgosurve të dënuar për shkelje të vogla të ligjit dhe që u ka mbetur më pak se 180 ditë burg. Fillimisht do të lirohen personat mbi 30 vjeç që kanë probleme shëndetësore.
Në Kaliforni rreth 3 mijë të burgosur kanë rezultuar pozitivë me COVID-19. Të paktën dhjetë vetë kanë vdekur. Sipas kritikëve transferimet e të burgosurve shkaktuan përhapjen e shpejtë të virusit në burgje. Që atëherë shteti ka zëvendësuar mjekun kryesor për burgjet. Disa prej ish të burgosurve ndajnë përvojën e tyre në burg gjatë pandemisë.
“E frikshme, e rrezikshme dhe e paparashikueshme!”, thotë një i ish i burgosur.
Të afërmit e të burgosurve si dhe të tjerë persona të ngushtë të tyret, kanë organizuar protesta përpara burgjeve.
“Ata po vdesin aty! Po vdesin! Ma lironi djalin… ”, thotë nëna e një të burgosuri.
Aktivistët që mbrojnë të drejtat e njeriut thonë se situata në burgun e San Quentin nuk është befasuese.
“Burgu i San Quentin është tejet i vjetëruar. Ai ka vetëm një sistem ventilimi që qarkullon ajrin. Pra situata nuk është befasuese për asnjë nga ne. Burgjet nuk janë ndërtuar për të qenë objekte ku mund të ruhet distanca fizike”.
Vanessa Nelson-Sloane është bashkëthemeluese dhe drejtoreshë e një organizate që ndihmon të burgosurit.
“Sipas mendimit tim pasi e kam shqyrtuar me vëmendje situatën ajo që do të ndihmonte më shumë aktualisht është që çdo anëtar i stafit të vendosë maskë. Të burgosurve u kërkohet që t’i mbajnë dhe ata mund të përballen me ndonjë masë disiplinore nëse nuk i vendosin, por për rojet situata është ndryshe. Kjo mendoj se do të ishte gjëja më e rëndësishme që mund të bënim në të gjitha burgjet tani për tani”, thotë Vanessa Nelson-Sloane, drejtoreshë dhe bashkëthemeluese e Aleancës “Ndihmë për të Jetuar”.
Vendimi për lirimin e të burgosurve u mirëpritur nga aleanca, por anëtarët e organizatës janë të shqetësuar se shumë prej ish-të burgosurve nuk do të kenë ndonjë vend ku të shkojnë. Dhe në kushtet kur qendrat për të pastrehët janë të tejmbushura kjo i bën këto vende të rrezikshme gjithashtu për të qëndruar gjatë pandemisë.
KOSOVË– Ditën e sotme Kryeministri i Kosovës, Avdullah Hoti ka deklaruar se ekzekutivi që ai udhëheqë, mbetet i përkushtuar në dy prioritete, “luftën” kund...
MAQEDONI E VERIUT- Të paktën 3 pacientë me Covid-19 kanë vdekur në24 orët e fundit në Maqedoni, ndërsa jan konfirmuar edhe 74 ratse të reja.Ndërkohë mësohet se...
KOSOVË– Pas lajmit se Kryeministri i Kosovës është i infektuar me Covid-19, ka reaguar edhe Presidenti i vendit Hashim Thaçi i cili i ka uruar shëri...
IRAN– Irani është një ndër vendet që është goditur shumë nga pandemia Covid-19, ku ditë pas dite ka shënuar një numër të lartë të të infektuarëve nga viru...
BERLIN- Mijëra gjermanë kanë marshuar nëpër rrugët e Berlinit gjatë fundjavës në një demonstratë kundër kufizimeve të koronavirusit në Gjermani janë akuzuar ng...
RUSI– Drejtori i Përgjithshëm i Qendrës Kërkimore Shtetërore për Virologji dhe Bioteknologji, Vektor, Rinat Maksyutov, ka parashikuar më 2 gusht se instit...
BRAZIL-Brazili është një ndër vendet më të goditura nga koronavirusi deri më tani, ku ditë pas dite po rriten ndjeshëm shifrat e të vdekurëve dhe të sëmurëve.Në...
Shumë kryetarë bashkish janë tepër të zemëruar me qeverinë italiane. Ata raportojnë nxehtësi dhe ngushtësi të padurueshme në kampet e refugjatëve që janë shumë ...
SPANJË– Mes pandemisë së Covid-19 as fluturimet nuk kanë ndaluar, pasi qytetarët kanë lëvizur për punë, pushimet e verës por jo vetëm.Por një udhëtim i fun...
SHBA– Dy muaj pasi astronautët e NASA-s, Bob Behnken dhe Doug Hurley u hedhën në hapësirë nga toka amerikane për herë të parë në gati një dekadë, dyshja është k...